Dokument-Nr. 10063
Bertram, Adolf Johannes
an Pacelli, Eugenio
Breslau, 29. Januar 1921
ad benignissimum telegramma diei 27. h. m. respondere festino, episcopus Unionis Fuldensis ex toto corde Sanctitati Suae gratias agere maximas pro eximia paterna benevolentia, quae elucet ex munificentia augusta, qua Sanctitas Sua obtulit dono cathedralibus nostris oleum in Coena Domini consecrandum. Cum jam ineunte hoc anno episcopi mercatori L. Voosen Coloniensi dederint mandatum procurandi olei necessarii emptionem, telegrammate interrogavi, possitne certo exspectari olei illius maturum adventum. Quod affirmatum est. Hinc ne frustra Sanctae Sedi onus procurandi oriatur, consultum erit, ut mandatum dicto mercatori jam datum in suo vigore maneat, et peto, ut ad Sanctissimi Domini pedes gratitudinis sensus hisce exprimere liceat.
Summa cum aestimatione et devotione permaneo esse
Excellentiae Vestrae
obsequiosissimus servus
A. Card. Bertram.