Dokument-Nr. 10983
Fritz, Karl an Benedikt XV.
Freiburg im Breisgau, 13. Januar 1922

Beatissime Pater!
Carolus Fritz, Archiepiscopus Friburgensis (Badeniae) ad pedes Tuae Sanctitatis Vestrae provolutus exponit, quae sequuntur:
Caritatis Unio Germanica, quae inter alia opera pia etiam opem Germaniae pueris praestandum ut officium suum suscepit donaque Tua in hunc finem expendit, hac vice per me Sanctitatem Tuam adit, ut adiumentum imploret Tuum ad munus, etsi indirecte, eumdem finem respiciens. Ipso quippe hoc mense Unio Caritatis in Brasiliam delegatam mittet, qui in coloniis Germanicis illius amplissimae ditionis stipes corroget, egentibus potissimum infantibus auxilium laturas. Qui delegatus, Rev. P. Küches, Congr. S. Spiritus, cum se Nuntio Tuo excellentissimo Dno E. Pacelli Berolini praesentasset, paternam illius approbationem exhortationemque adeptus est. Qua re confirmatus et quia pecunia nostra minimi pretii est, rogo, ut illi delegato iter Brasiliense possibile eo modo
75v
reddatur, ut illi ex pecunia infantibus juvandis destinata stipem illi benigne conferas, quam ille Deo propitio benedictioneque Tua confortatus, laboribus suis multiplicaturus est, ut Caritatis Unionis actio amplior promoveatur.
Pro qua summa benignitate ex intimo corde gratias agens,
Sanctitatis Vestrae
humillimus et devotissimus in Christo filius
+ Carolus Fritz
Archiepiscopus Friburgensis.
Empfohlene Zitierweise
Fritz, Karl an BenediktXV. vom 13. Januar 1922, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 10983, URL: www.pacelli-edition.de/Dokument/10983. Letzter Zugriff am: 28.03.2024.
Online seit 31.07.2013.