Dokument-Nr. 12088
Gasparri, Pietro
Benedikt XV. an Pacelli, Eugenio
Rom, 14. Mai 1917
14r
Venli FratriEugenio Pacelli
Archepi titulari Sardiano
Nostro et Aplicae Sedis apud Aulam Bavariae
Nuntio
14v
Benedictus PP. XV
Venerabilis Frater, salutem et aplicam benedictionem. Ut necessitatibus Ecclesiarum intra fines Legationis tibi demandatae existentium prospicere, et erga personas praesertim pauperes ibi degentes, vitae morumque integritate praeditas, Nostram et Aplicae Sedis benevolentiam exercere eo melius possis, quo amplioribus sis per Nos facultatibus munitus, tibi, praeter jam concessas facultates quas putibus pro expressis haberi volumus, et durante humodi Legatione et intra illius terminos,
15r
quoscumque clericos illarum partium, dumtaxat pro necessitate Ecclesiarum, itemque arctatos, idoneos tamen et in legitima aetate constitutos, aliaque a Sacris Canonibus et a Concilio Tridentino requisita habentes, sacerdotali militiae adscribi cupientes, sufficientis patrimonii, vel beneficiorum seu missionis titulo, servata Canonum et Concilii ptorum forma, ad quatuor minores, quatenus illos non susceperint, quatuor feriatis aut non feriatis, et deinde ad subdiaconatus, diaconatus et presbyteratus Ordines tribus Dominicis seu aliis festis diebus, non tamen continuis, sed aliquo temporis spatio, ad tui libitum definiendo, interpolatis, etiam extra tempora a jure statuta atque interstitiis a Concilio Triden-15v
tino constitutis minime servatis, annique curriculo nondum expleto, etiam si in unoquoque e susceptis Ordinibus antequam ad alium promoveantur se minime exercuerint, per te ipsum promovere libere ac licite possis; atque sic promoti, in dictis Ordinibus, atque etiam in Altaris ministerio ministrare valeant, ita tamen ut ad titulum patrimonii humodi promovendi patrimonium suum alienare vel hypothecae subicere nullo modo possint, donec illis de aliquo beneficio ecclico vel alio annuo redditu provideatur, ad congruam ipsorum sustentationem; ad haec ut in locis montanis intra fines tuae Legationis, ubi penuria piscium, ut tempore jejuniorum et Quadragesimae 16r
aliisque aliis temporibus anni, quibus ovorum ac lacticiniorum usus est prohibitus, personae in illis degentes ovis et lacticiniis tuta conscientia vesci possint, servatis servandis, nonnullis potioribus exceptis arbitrio tuo diebus, indulgere; praeterea omnibus ecclesiasticis qui simoniace quidquam acceperunt vel dederunt, vel mediatores fuerunt, veniam petentibus, dimissis per eos beneficiis ac rebus per simoniam acceptis, illisque salutari poenitentia injuncta, tuo arbitrio praefigenda, in foro conscientiae tantum absolvere; itemque presbyteros quoscumque saeculares vel regulares in ecclica dignitate constitutos, in qualibet tua Legationis dioecesi commorantes, qui Ecclesias, coemeteria, altaria, cam-16v
panas, calices, patenas, corporalia et alia utensilia quaecumque ad sacrosanctum Missae Sacrificium pertinentia, in quibus etiam sacra unctio adhibeatur, aqua tamen et oleo, ab aliquo Sacrorum Antistite benedictis vel consecratis, benedicere vel consecrare possint, deputare; insuper omnes et singulos eiusdem Legationis masculos et foeminas pauperes, victum sibi labore et industria tantum comparantes, fidei catholicae Romanae cultores, et communionem cum hac S. Sede habentes, qui tertio et quarto, vel tertio aut quarto mixtis, aut etiam multiplicibus, pariterque illos qui secundo ex actu fornicario proveniente consanguinitatis et affinitatis gradu invicem conjuncti sive se attinentes, matrimo-17r
nium scienter vel ignoranter contraxerint et carnali copula consummarint aut alias se carnaliter cognoverint, ad evitanda plura scandala et mala quae ob haereticorum vicinitatem oriri possint, imposita eis propter incestum publica aut alia salutari poenitentia arbitrio tuo, ab incestus reatu, ab excessibus, ab excommunicationis aliisque censuris et poenis ecclicis per eos incursis in utroque foro, Auctoritate Nostra absolvere et cum ipsis respective, ut matrimonium inire inter se queant, dispensare; et cum aliis etiam pauperibus, quotidiano labore et industria victum sibi comparantibus, gratiam et communionem ptae Sedis habentibus, ut matrimonium inter se publice, servata forma Concilii Tridentini, impede-17v
mentis tertii vel quarti, nec non secundi ex actu fornicario tantum provenientis, consanguinitatis et affinitatis graduum humodi, atque Ordination.s et Constitution.s Aplicis ceterisque contrariis quibuscumque non obstantibus, contrahere et in facie Ecclesiae solemnizare et in eo remanere libere liceteque possint, dispensare, denique quoscumque tuae Legationis masculos, atque foeminas, similiter pauperes, quotidiano labore victum sibi comparantes, et fidei catholicae Romanae cultores, qui non obstante impedimento cognationis spiritualis et confraternitatis, matrimonium ignoranter contraxerint et consummarint, aut alias sese carnaliter cognoverint, ad evitanda pariter scandala ob haereticorum vicinitatem, imposita illis 18r
aliqua publica vel alia poenitentia salutari, prout magis expedire judicaveris, ab excessibus humodi censurisque ac poenis ecclicis per eos iniuriis, in utroque foro, dicta Nostra Auctoritate, absolvere et cum eis ut matrimonium denuo publice inter se, servata forma Concilii Tridentini, impedimento humodi non obit ante, contrahere; nec non cum aliis etiam pauperibus ac similem S. Sedis communionem habentibus, super impedimento cognationis spiritualis et confraternitatis, sicut illo pariter non obstante, matrimonium inter se, sive ex eo quod mulieres dotem habeant minus competentem, sive ob locorum angustias, sive ad sedandas inimicitias, aut ob alias rationabiles causas, publice, servata forma Concilii Tridentini, contrahere, 18v
et tam isti quam alii memorato matrimonio respective contracto, in facie Ecclesiae solemnizare et in eis remanere similiter licite possint, dummodo mulieres raptae propter hoc non sint, eadem Aucte Nostra dispensare et prolem respective susceptam et suscipiendam legitimam decernere et renuntiare, gratis tamen et non alias possis, Aplica Nostra Aucte, putium tenore, concedimus tibi facultatemque impertimur amplissimam. Non obstantibus Constituton.s et Ordination.s Aplicis, ac synodalibus, universalibus et provincialibus Conciliis editis generalibus, ceterisque omnibus speciali licet atque individua mentione ac derogatione dignis in contrarium facientibus quibuscumque. – Datum Romae apud 19r
S. Petrum sub annulo piscatoris die XIV Maji MDCCCCXVII Pontificatus Nostri Anno Tertio.P. Card. Gasparri
a Secretis Status