Dokument-Nr. 14064
Maier OFM, Gamelbert
an Pius XI.
Nürnberg, 09. November 1924
Ad pedes Sanctitatis Vestrae provolutus humillime peto, ut mihi benignissime concedere velis, ut Sanctitati Vestrae petitionem meam submisse proferam. Nonne liberorum est, in necessitatibus suis ad Patrem ire eumque orare, ut eos adjuvet? Te, beatissime Pater, vere Patrem omnium esse omnesque caritate paterna pari modo amplecti, quis est filiorum Ecclesiae Catholicae, qui id nesciat?
Beatissime Pater! In hac urbe Nürnberg, quae in Archidioecesi Bambergensi sita est, abhinc unum annum ecclesiam parochialem, quae titulum S. Ludovici accipiet, aedificare coepimus. Administratio ipsius parochiae, quae a plus quam viginti millibus Catholicorum
73v
inhabitatur, alumnis Provinciae Bavaricae Ordinis Fratrum Minorum credita est. Usque adhuc
solum ecclesia simplex ex ligno confecta et parva ad cultum divinum celebrandum exstitit.
Iam ex octo annis pecuniam ad ecclesiam novam exstruendam necessariam in omnibus partibus
patriae nostrae collegimus. Sed o res ex bello praeterito natas maxime adversas! Omnis fere
pecunia collecta mala valuta, quae dicitur, periit.In tanta miseria pecuniaria coacti eramus in colligenda eleemosyna ad opus propositum efficiendum in dies magis pergere, cum exstructio ecclesiae dictae parochialis curae animarum causa diutius differri non deberet. Etiam Sanctitas Vestra petitioni humillimae Reverendissimi et Excellentissimi Ordinarii loci Jacobide Hauck, Archiepiscopi Bambergensis benigne obsecundans abhinc plus quam duos annos ad aedificandam hanc ecclesiam maxima liberalitate maiorem summam Lire conferre
74r
dignata est. Huius tam insignis beneficii semper memores
parochiani S. Ludovici numquam oblivisci possunt, a Vicario Christi ipso se in ecclesia sua
aedificanda tam liberaliter adjutos esse.Et deo gratias maximas agimus, quod hunc in modum nobis contigit, ut usque adhuc dimidiam fere partem exstructionis rudis perficere potuerimus. Sed pro futuro nos magnae curae vexant. Nam nisi: subsidia alia quaerere pergemus, spes nobis non effulget operis incohati ad finem perducendi.
Propterea, Beatissime Pater, nos a Sanctitate Vestra denuo eleemosynam ad ecclesiace nostrae exstructionem humillime petentes noli dispicere! O solatium maximum, cum sperare nobis licebit, opus inchoatum brevi in finem perduci posse!
Quamquam bene scimus ad Sanctitatem Vestram undique quotidie permultas easque vehementes et graves petitiones dirigi, tamen Sanctitatem Vestram humillime petimus, ut nobis benignissime
74v
concedere velis, ut nostra quoque petitio Sanctitati
Vestrae offeratur!Ad pedes Sanctitatis Vestrae provolutus, Apostolicam benedictionem humillime exposco,
Sanctitatis Vestrae
Obedientissimus et devotissimus servus
fr. Gamelbertus Maier O.F.M.
parochus.