Dokument-Nr. 14744
Bertram, Adolf Johannes an Heilige Konzilskongregation
Breslau, 07. Mai 1925

Anlage, Schreiben, Masch.

Protokollnummer
Prot.-Nr. Vaktikan	2529
Archivsignatur	AAV, Congr. Concilio, Positiones 1926 (Febbraio), B,, Breslavia, fol. [ohne Nummer].

S. Congregationi Concilii

Episcopi Germaniae in Conferentiis Fuldae quotannis congregati sequens dubium devotissime substernere decreverunt, petentes benignissimam solutionem.
Saepius evenit, ut viri aut mulieres ad poenam carceris per plures annos durantem damnati tempore talis incarcerationis matrimonium in facie Ecclesiae solemnizare desiderent aut ad sanandum commercium antea invalide initum aut ad alias obligationes implendas. Hinc sacerdotes curati incarceratorum, quibus institutivo definitiva ad curam captivorum gerendam a Gubernio data est quibusque facultates ad talem curam gerendam commissae sunt ab episcopis locorum, quique gaudent titulo "parochi Instituti poenalis" cum salario parochiali a Gubernio solvendo, valde desideraverunt a longo tempore, ut vi muneris sui ad instar aliorum verorum parochorum valeant rite et valide assistere matrimoniis ineundis in loco carceris, qui jacet intra fines parochiae proprie dictae ita ut incarcerati et officiales carceribus servientes non efforment separatam parochiam legitime cum pleno jure erectam, sed communitatem in districtu parochiae domiciliantem. Causa petitionis supradictorum sacerdotum est, quod defectus juris proprii matrimoniis assistendi in oculis Gubernii aliorumque apparet tamquam muneris et auctoritatis diminutio et dependentia, quod

1v

omnibus interesse habentibus displicet, quia civilia jura publica incarceratorum communitatem habent tamquam veram quasiparochiam, licet e jure canonico vix possint titulo verae parochiae ornari. Accedit quod Curati incarceratorum, qui de cetero ipsi soli gerunt totam de salute incarceratorum curam satis difficilem, sentiunt tamquam quoddam gravamen, si jurisdictio ad solemnizandas nuptias ipsis deest.
Episcopi Fuldae congregati 1922 Parochis Carcerum delegaverunt facultatem assistendi valide matrimoniis ad universitatem causarum. Talis declaratio videbatur licita, quia illi sacerdotes curati apparent quasi vicarii parochialis officii pro certo parochiae districtu et certa communitate. Deinde vero¹ unus ex reverendissimis Germaniae Episcopis dubia protulit², quia deest ille vicariorum cooperatorum character³, qui constat in "subesse parocho", quippe quia independentes⁴ esse volunt; hinc dubium est, possintne delegari generaliter⁵.
Videtur responderi posse: carcerum sacerdotes curatos agnosci ab episcopis tamquam veros parochiali munere instructos curatos proprios certi loci et communitatis, et exinde sequi episcopi potestatem extendendi designationem jurium eorum ad assistentiam matrimoniorum.
Faveat quaeso S. Congregatio hanc quaestionem auctoritativa responsione solvere, aut episcopis supradictam facultatem benignissime tribuere, quatenus opus sit.
Summa cum devotione permaneo esse
S. Congregationis
obsequiosissimus servus
A. Card. Bertram

Von "Saepius evenit" bis "quatenus opus sit" hds. mit blauer Farbe seitlich des Textkörpers markiert.

1↑"Deinde vero" hds. mit roter Farbe unterstrichen.

2↑"dubia protulit" hds. mit roter Farbe unterstrichen.

3↑"deest ille vicariorum cooperatorum character" hds. mit roter Farbe unterstrichen.

4↑"idependentes" hds. mit roter Farbe unterstrichen.

5↑"possintne delegari generaliter" hds. mit roter Farbe unterstrichen.

Empfohlene Zitierweise

Bertram, Adolf Johannes an Heilige Konzilskongregation vom 07. Mai 1925, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 14744, URL: www.pacelli-edition.de/Dokument/14744. Letzter Zugriff am: 23.04.2024.

Online seit 24.06.2016.