Dokument-Nr. 15166
Schiwy, Viktor an Pius XI.
Berlin-Spandau, 20. November 1927

Beatissime Pater!
Paroeciae urbis Spandau Berolino nunc adjunctae parochus una cum consiliariis ex paroecia deputatis ad pedes Sanctitatis Vestrae provolutus haec proponit:
In parte illa urbis nostrae, cui nomen est Hakenfelde, quam primum ecclesiam oportet aedificari, ut fidelium ibidem satis procul ab ecclesia nostra parochiali habitantium saluti facilius atque efficacius provideatur. Simul domus erigenda erit pro 70 fere mulieribus in negotiis publicis occupatis, ut apte seclusis tandem a tot ingentis urbis periculis vitam illis honestam ac piam tuto degere liceat. Quare nobis in animo est accipere mutuam pecuniam
1. 80.000 marcarum cum foenere 8,25% ab instituto Berolinensi cui titulus est "Städtische Sparkasse";
2. 60.000 marcarum cum foenere 9% ab instituto "Preussische Zentralgenossenschaftskasse"
3. 30.000 marcarum cum foenere 5% ab instituto Berolinensi "Hilfskasse".
In omni casu mutua pecunia ita reddenda est, ut amortisatio 2% statuatur. Cum foeneris tum amortisationis pecunia e proventibus domus illius solvendae erunt.
Iam ut mutuae illius pecuniae accipiendae nobis venia concedatur, humillime petimus.
Sanctitatis Vestrae
humillimus servus
Victor Schiwy,
parochus.
Preces
Hds. am linken Seitenrand neben dem Textköper notiert: "Breslau
5919
17".
Empfohlene Zitierweise
Schiwy, Viktor an PiusXI. vom 20. November 1927, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 15166, URL: www.pacelli-edition.de/Dokument/15166. Letzter Zugriff am: 28.03.2024.
Online seit ..1927.