Dokument-Nr. 15724

Sincero, Luigi: Monacen. et Frisingen.Augustan. Vindelicorum De finium dioecesum commutatione Decretum. Rom, 31. August 1921

Emus ac Rmus Card. Archiepiscopus Monacen. et Frisingen., assentiente Rmo Ordinario Augustan. Vindelicorum, petiit ab Apostolica Sede dismembrationem pagi Achrain a paroecia Ohlstadt archidioecesis Monacen. et Frisingen., et eiusdem aggregationem paroeciae Murnau dioecesis Augustan. Vindelicorum: idque tum ob magnum spatii intervallum, quo fideles paroeciae Ohlstadt a propria <ecclesia>2 paroecia<li>3 distant, tum propter nimiam asperitatem viarum illuc ferentium. Quibus precibus SSmus D. N. Benedictus PP. XV, attentis omnibus ad rem facientibus et habito favorabili voto a R. P. D. Eugenio Pacelli, Archiepiscopo tit. Sardian. et Nuntio Apostolico in Germania, benigne annuendum censuit.
Qua de causa Apostolicae postestatis [sic] plenitudine et suppleto quatenus opus sit quorum intersit vel sua interesse praesumant consensu, per praesens consistoriale decretum statuit, ut memoratus pagus Achrain a paroecia Ohlstadt et ab archidioecesi Monacen. et Frisingen. disiungatur atque paroeciae Murnau et dioecesi Augustan. Vindelicorum aggregetur.
Ad praemissa vero exsecutioni demandanda SSmus Dominus
1v
deputare dignatus est eundem R. P. D. Eugenium Pacelli, eidem tribuens facultates omnes ad hoc necessarias et opportunas, etiam subdelegandi ad effectum de quo agitur quemlibet virum in ecclesiastica dignitate constitutum: facto onere mittendi intra sex menses ad hanc S. Congregationem authenticum exemplar peractae exsecutionis.
Contrariis quibusvis minime obstantibus.
C. Card. L. Sincero [zwei Buchstaben unlesbar]
Auf der ersten Seite am oberen Rand hds. von unbekannter Hand, vermutlich von einem Mitarbeiter der Konsistorialkongregation, in roter Farbe notiert: "Manderò poi le posizioni".
1Seitenzählung von den Editoren eingefügt.
2Hds. eingefügt von unbekannter Hand
3Hds. eingefügt von unbekannter Hand
Empfohlene Zitierweise
Sincero, Luigi, Monacen. et Frisingen. – Augustan. Vindelicorum De finium dioecesum commutatione Decretum, Rom vom 31. August 1921, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 15724, URL: www.pacelli-edition.de/Dokument/15724. Letzter Zugriff am: 29.03.2024.
Online seit 14.05.2013, letzte Änderung am 10.09.2018.