Dokument-Nr. 16437
Fritz, Karl
an Pius XI.
Rom, 07. November 1928
Carolus Fritz, archiepscopus [sic] Friburgensis, Sanctitati Vestrae humillime quae sequuntur S. S. Apostolorum limina visitans exponit.
Infrascripti sacerdotes archidioecesis meae propter fidem erga S. Sedem, labores optime gestos, bonos mores merentur, ut a Sanctitate Vestra aliquo honore augmententur.
1. Dr. theol. et jur. utr. Josef Sester, camerarius secretus supernumerarius, vicarius generalis et canonicus, natus 11.III 1877, presbyter ordinatus 5.VII 1900, canonicus cathedralis installatus 7.VI 1924, qui vicarius generalis munere suo omnibus viribus et optimo successu quattuor adhinc annos fungitur.
2. Dr. theol. Fridolinus Weiss, canonicus et ordinariatus mei consiliarius, natus 22.II 1871, presbyter ordinatus 5.VII 1893, canonicus cathedralis installatus 1.V 1918, qui opus denarii S. Petri ab anno 1920 usque adhuc summa cum diligentia curat et in ordinariatu meo tanquam consiliarius ecclesiasticus pro viribus et cum valde bono successu laborat.
3. Dr. theol. Augustus Henricus Stumpf, camerarius secretus supernumerarius, parochus in Karlsruhe, decanus capituli Karlsruhe, natus 30.IX 1871, presbyter ordinatus 1.VII 1896, qui parochus et decanus in urbe Karlsruhe, capite reipublicae badensis, optime laborat, cura animarum
138r
summa cum diligentia exercet, permagna autoritate
etiam apud gubernium civile fruitur et apud hoc gubernium mandata mea exequens eccelsiae
[sic] magnam utilitatem iam attulit.Quorum trium sacerdotum augmentationem ab archidioecesanis magno cum gaudio auditum iri et eccelesiae [sic] utilem fore et devotionem erga S. Sedem aucturam esse persuasum mihi est.
Quae cum ita sint, mihi rogare liceat, ut Josephus Sester, vicarius generalis, Fridolinus Weiss, canonicus, Augustus Henricus Stumpf, parochus et decanus honore praelati domestici exaltentur.
Sanctitatis Vestrae, qua par est reverentia,
humillimus et obsequentissimus
+ Carolus Fritz