Gubernio civili vetante in Archidioecesis Pragensis parte Borussisa nos transferendi
cadavera fidelium mortuorum, antequam tumulentur, in ecclesiam in desuetudinem abiit. Cum
vero hodiernis temporibus gubernium civile hoc praescriptum non urgeat, iam in nonnullis
parochiis praesertim maioribus haec consuetudo nondum introducta est, cum sacella in
coemeteriis perraro adsint et translatio in ecclesiam parochialem multa incommoda secum
ferret. Saepe namque sacrae functiones invicem se impedirent; saepe etiam ob magnam
distantiam ecclesiae a coemeterio tempus funeris longius protraheretur. Cum fere ubique
magistri scholarum cantoribus praesint et pueri scholam visitantes ministri ac cantores
eligantur necesse sit, adultis hoc officium detrectantibus, hi scholae diutius interesse non
possent, si tempus functionis ecclesiasticae longius protraheretur, et timendum esset, ne
gubernium civile magistros ac pueros funeribus interesse vetaret.
Cum vero hic mos
transferendi corpora mortuorum in ecclesiam etiam populo fideli acceptissimus sit et urgente
praesertim praescripto can. 1215 C.I.C. quantum in me erit curabo, ut, ubicunque graves
causae non obstent, corpara fidelium defunctorum in ecclesiam transferentur antequam
tumulentur.
(sig.) Dittert.
Empfohlene Zitierweise
Dittert, Franz, [Kein Betreff], Mittelwalde vom 21. August 1926, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 17913, URL: www.pacelli-edition.de/Dokument/17913. Letzter Zugriff am: 25.04.2024.
Online seit 29.01.2018, letzte Änderung am 20.01.2020.
: [Kein Betreff]. Mittelwalde, 21. August 1926