Dokument-Nr. 19723
Langer, Felix Johann
an Bertram, Adolf Johannes
Berlin, 10. März 1929
Qua de causa infrascriptus Felix Joannes Langer studiorum assessor denuo Eminentiam Vestram qua par est observantia et reverentia adit rogans ut sibi licentia docendi religionem catholicam in scholis superioribus absque arctioribus clausulis tribuatur, cuius facultatem rite coram examinatore et a publica et ab ecclesiastica auctoritate legitime constituto obtinuit.
Quam ad gratiam obtinendam haec afferuntur causae:
1° Facultas jam ante compluribus sacerdotibus testibus optime adhibita.
2° Ut victui oratoris melius consulatur.
3° Ne patri hoc anno item septimum vitae decennium implenti ac pensione egenti per futura tempora filio impedito victus minuatur.
4° Ne orator gravissimis his temporibus liberorum numerum finire cogatur.
5° Ut libera oratori detur facultas in actine [sic] catholica secundum Ssmae Sedis voluntatem versandi et agendi.
6° Ne orator denuo – id quod Kalendis Aprilibus iterum impendet – ab auctoritate pulica [sic] extra domicilium Berolinense munere fungi cogatur, qua re denuo novis Impositis expensis res familiaris minuatur.
7° Ne orator, cum iam annis praeteritis graviter laesus sit valetudini corparali ac spirituali aere alieno aliisque curis gravatus, novum hisce in rebus patiatur incommodum.
Libere profiteor me institutionem meam religiosam, quam plures etiam praestant in scholis superioribus quamvis examine hac in re non superato, auctoritati et inspectioni Ecclesiae secundum CJC praescripta esse subiecturum atque me esse paraatum professionem fiedei Tridentino–Vaticanam et jus jurandum contra errores Modernistarum, si id requiratur vel optetur, emittere coram sacerdote hanc ad rem deputato.
Hoc Jubilaei anno se spe vitam denique in futurum aliquo modo tranquillam et tutam et securam esse se acturum non destitum iri sperat atque enixe rogat et petit
Eminentiae Vestrae
filius obedientissimus
gez: Felix J. Langer.