Dokument-Nr. 20667
Luible, Anton an Pacelli, Eugenio
Dillingen, 17. Dezember 1924

Excellentia!
Reverendissime Domine!
Summo quo par est obsequio infrascriptus direktor [sic] instituti pro surdo-mutis in Zell, Dioecesis Eystettensis, erecti Reverentiae Vestrae significat, benignissimum Sanctitatis Suae donum in ipsius manus pervenisse. Quare Excellentiam Vestram enixe rogare sibi sumit, ut Sanctitati Suae pro novo isto inexhaustae benevolentiae et largitatis documento nomine infrascripti direktoris necnon sororum et puellarum maximas velit agere gratias. Neque vero omittunt, etiam Excellentiae Vestrae ex animo gratias agere, quia supplices literas tam bona voluntate et promptitudine ad sedem Apostolicam dirigere dignata est. Liceat porro gratulabundis Excellentiae Vestrae ad diem festum natalem Domini et ineunti anni faustissima quaeque apprecari.
Cum summa devotione perseverat
Excellentiae Vestrae maxime addictus
Dr. phil Anton Luible.
Empfohlene Zitierweise
Luible, Anton an Pacelli, Eugenio vom 17. Dezember 1924, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 20667, URL: www.pacelli-edition.de/Dokument/20667. Letzter Zugriff am: 28.03.2024.
Online seit 18.09.2015, letzte Änderung am 25.02.2019.