Dokument-Nr. 2932
Warnas, Alfons an Benedikt XV.
Vilnius, 29. Dezember 1917

A sententia Administratoris dioecesis Vilnensis Casimiri-Nicolai Michalkiewicz die 29 Decembris 1917 an. in me lata, qua sententia ego Alphonsus Varnas
1. a divinis per mensem suspensus sum,
2. ab officio Parochi in Koszedary cum deputatione ad vicariatum dimissus sum.
Causa meae punitionis est suscriptio "Memorandi Lituanorum ad Suam Excellentiam Imperii Germanici" de die 10 Julii an. 1917, ex quo memorando quattuor puncta, quasi dicta clero populoque scandalosa contineant mihi obiiciuntur [sic]. Ob praedicti memorandi subscriptionem iam puniti sunt quattuor sacerdotes lituani Can. Grem. Cap. Vilnensis Josephus Kukta, Professor seminarii dioecesani Vilnensis Theodorus Brazis-Frey, Cathecheta scholaris Dr. Josephus Bakšys necnon Cathecheta scholaris Dr. Josephus Stankiewicz, qui nuper cum sua causa Romam appellaverunt. Cum mea causa et rationes appellandi paene omnino eaedem ac
72v
supradictorum sacerdotum sint, humillime cum filiali reverentia Sanctitati Suae supplico causam meam causae dictorum sacerdotum adiungere, eam cum his recognoscere me ab iniusta sententia Administratoris dioecesis Vilnensis liberare et restitutionem in integrum cum reparatione damnorum tum famae tum fortunae ordinare.
Sacerdos Alphonsus Varnas
parochus in Koszedary.
Empfohlene Zitierweise
Warnas, Alfons an BenediktXV. vom 29. Dezember 1917, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 2932, URL: www.pacelli-edition.de/Dokument/2932. Letzter Zugriff am: 29.03.2024.
Online seit 17.06.2011.