Dokument-Nr. 6233
Bertram, Adolf Johannes
an Pacelli, Eugenio
Breslau, 21. Juni 1922
Tessera caritatis vere paternae est eleemosyna 18.000 lib., quam Sanctissimus Dnus Noster augusta benevolentia misit ad emendum vestes necessarias pro monialibus in clausura
viventibus. Revera praeter infantes multorum annorum
inedia enervatos, praeter personas status medii tolerantes inopiam verecundia occultatam,
praeter pia instituta multoties ad ruinam vergentia imprimis moniales in clausura viventes
in multis Germaniae regionibus occultum famis et rerum omnium inopiae martyrium patiuntur.
Hinc festino repartire Sanctitatis Suae eleemosynam inter omnes Germaniae dioeceses, quarum
Antistites jam rogavi, ut statim mihi referant numerum professarum et novitiarum sub
clausura viventium in conventibus inopia oppressis; ex quo numero pro dibit [sic] clavis
justa repartitionis.Excellentiam vero Vestram Revdmam liceat devotissime petere, ut omnium dioeceseon gratitudinem vivissimam Sanctitati Suae nuntiare dignetur.
166v
Summa cum reverentia pro transmissione doni
gratias agens, persevero esseExcellentiae Vestrae
obsequiosissimus servus
(sign.) A. Card. Bertram
Princeps Eppus Wratislaviensis.