Dokument-Nr. 6462
Götz, Anton
Kurz, Johann Baptist an Pius XI.
Regensburg, 28. September 1922
Moderator et Director generalis Consociationis Providae pro Clero Bavarico constituae humillimas agunt gratias, quod Sanctitas Vestra epistulam nostram benigne excipere, nobis sodalibusque nostris Apostolicam Benedictionem impertire, utrique nostrae "Cassae Beneficae" donum peramplum quinque millium libellarum concedere dignata est.
Laeti ac libentes praeclarum hoc benevolentiae vere paternae testimonium in periodico nostro, cui nomen "Folia Cleri Bavarici" publicavimus, Deum deprecantes, ut communi omnium Patri universaeque Ecclesiae insigne hoc donum larga manu retribuat, eoque magis obedientiae et reverentiae officia adimplere satagemus.
Sanctitatis Vestrae
humillima et obsequentissima
Consociatio Provida Cleri Bavarici.
Dr. A. Goetz, parochus et decanus, p. t. praeses.
Dr. Dr. Joannes Kurz
Director generalis.
Regensburg
Minoritenweg 9