Dokument-Nr. 6637
Uttendorfer, Emil an Pacelli, Eugenio
München, 18. August 1920

Excellentissime et Reverendissime Domine!
Exponitur Excellentiae Vestrae, quod dominus Josephus Gasteiger, beneficiatus loci Moosach prope Grafing Archidioecesis Monacensis et Frisingensis initio mensis Octobris a.c. in Brasiliam se conferet ad praeparandam coloniam Bavaricam in America australi, permissione discedendi ad sex menses a Nobis jam petita et obtenta. Dicto sacerdoti, qui auctoritate publica competente munitus commissioni emigrationis in Brasiliam rei publicae causa mittendae praeerit, cum titulo et dignitate ad propositum finem assequendum opus sit, eum per se, praesertim attenta publica causa, de qua iam optime meruit, dignum censemus, cui dignitas Camerarii intimi Apostolici conferatur, ad quam ipsum summopere commendamus.
Excellentiae Vestrae
addictissimus servus
Dr. Aemilianus Utendorfer, Praelatus dom. et Canonicus
Cap. Vic. Gen. Absentis Locumtenens
Empfohlene Zitierweise
Uttendorfer, Emil an Pacelli, Eugenio vom 18. August 1920, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 6637, URL: www.pacelli-edition.de/Dokument/6637. Letzter Zugriff am: 28.03.2024.
Online seit 14.01.2013.