Dokument-Nr. 6891

Jochmann, Albrecht: Relatio de statu familiae Saalborn die 13. Jul. 1922 a delegatur a Berlin. expetita. Berlin, 20. Juli 1922

Mulier, quae supplicat per litteras ad Sanctitatem Suam missas iam saepius subsidia etsi non semper magna recipit. Quod attinet pecuniam ab ea in itinere amissam, fieri non potest, ut res, cum ceteri inhabitantes illius domus se aliquid indicere posse negent, in hoc tempore perfecte illustretur. Constat vero familiam Saalborn antea cauponam, inqua turpi commercio fruebantur, possedisse. Quam ut venderent, quibus causis permoti sint, nescio. Mulier omnino utrum religiose vivat viro Lutherano non comperi; parochia enim nostra est nimis extensa. Filia eius unica Hildegardis nunc iam ex schola dimissa in nostra parochia primam sacram communionem nondum sumpsit. Variis modis mulier a societatibus catholicis adiuvabatur; e. g. "Associatio Caritatis Berolinensis" omnia pignora eius, ne perirent, coemit ac postea paulatim res obligatas ei restituit pretii minore tantum parte a Saalborn recepta. Insuper commissarius pauperum civilis saepius familiam sublevabat, postquam alia adiumenta publica, quia vir laboraverat ac simul sibi subsidia tantum pro illis, qui quaestum invenire nequeunt, destinata comparaverat, amisit. Hoc tempore praeterea mulier occupata est in vestificatione.
v. par. A. Jochmann,
Kaplan
Empfohlene Zitierweise
Jochmann, Albrecht, Relatio de statu familiae Saalborn die 13.Jul. 1922 a delegatur a Berlin. expetita, Berlin vom 20. Juli 1922, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 6891, URL: www.pacelli-edition.de/Dokument/6891. Letzter Zugriff am: 29.03.2024.
Online seit 31.07.2013, letzte Änderung am 15.07.2013.