Dokument-Nr. 8626
Karevičius, Pranciškus an Gasparri, Pietro
Kowno, 20. November 1918

Eminentissime Domine.
Officium Episcopi Suffraganei Samogitiensis factum est per translationem bo. me. Episcopi Gasparis Cyrtowt ad cathedralem ecclesiam Samogitiensem 7. Idus Aprilis 1910 inde ab octo annis vacans.
Iamvero muneris episcopalis officia in dioecesi numeranti circa 1.400.000 fidelium postulant, ut in dioecesi perpetuo habeatur Episcopus Auxiliaris, qui personae Episcopi residentialis datus eiusdem partes in muniis pastoralibus obeundis supplere valeat.
Quapropter ad Eminentiam Vestram cum humillimis precibus recurro, ut memorato officio vacanti benignissime provideatur per constitutionem Episcopi Auxiliaris, assignatis eidem omnibus congruis suffraganeatus Samogitiensis.
Uti viros huic muneri meo iudicio idoneos reverenter proponere audeo:
1. R. D. Iosephum Skvireckis, Magistrum theologiae, presbyterum dioecesis Samogitiensis, canonicum praelatum Capituli cathedralis, in seminario dioecesano S. Scripturae professorem, quadraginta quinque annos natum et
2. R. D. Casimirum Stephanum Šaulys, Magistrum theolog.,
39r
presbyterum dioecesis Samogitiensis, cathedralis Capituli Samogitiensis canonicum, professorem Iuris Canonici in seminario dioecesano, Curiae episcopalis cancellarium, in quadragesimo sexto aetatis anno constitutum.
Eminentiae Vestrae
observantissimus famulus.
Franciscus Karevičius Episcopus.
[Fotografien von (1) Praelatus Josephus Skvirecki; (2) Canonicus Casimirus Šaulys; (3) Casimirus Paltarokas.]
Empfohlene Zitierweise
Karevičius, Pranciškus an Gasparri, Pietro vom 20. November 1918, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 8626, URL: www.pacelli-edition.de/Dokument/8626. Letzter Zugriff am: 28.03.2024.
Online seit 17.06.2011.