Dokument-Nr. 12684
Sproll, Johannes Baptista
an [Pius XI.]
Rottenburg, 14. Juli 1922
In dioecesi mea gubernum civile ex multis decenniis reditus eorum beneficiorum, quae sustentationem congruam non proferunt, usque ad congruam supplet, quia episcopo vectigalia ecclesiastica dioecesanis imponere nondum concessum est. Sed nunc idem gubernium postulat, ut ii parochi, qui ampliores solito reditus ex beneficiis suis percipiunt, partem aliquam ad remunerandos cooperatores suos tradant. Quod cum nobis aequum esse videatur, etiam ceteri beneficiarii, qui cooperatores non habent, sed pinguiores reditus percipiunt, in favorem ceterorum sacerdotum aliqua parte cedere deberent. Peto igitur humillime, ut mihi pro annis 1922, 1923 et 1924 facultas detur imponendi censum congruum istis beneficiariis, ita tamen, ut sustentationem a me et gubernio civili constitutam et insuper 3.000 marcas accipiant, superflua vero in favorem ceterorum clericorum tradere teneantur.
Pro qua gratia gratias aget maximas
Sanctitatis Vestrae
devotissimus et humillimus
filius
(sig.) Dr. Sproll, Vic. glis.