Dokument-Nr. 1469
Giustini, Filippo
an [Müller, Nicola]
[Rom], 02. April 1917
Nicolaus Müller, dioecesis Colonien. subditus, ordinatus diaconus in dioecesi Luxemburgen. ad pedes Sanctitatis Vestrae provolutus, humiliter postulat dispensationem ab oneribus in sacris subdiaconatus et diaconatus ordinibus recipiendis susceptis, ob rationes a proprio Ordinario in sua relatione Sanctitati Vestrae expositas.
Ex Audientia SSmi diei 2 Aprilis 1917.
SSmus Dnus Noster Benedictus Papa XV, audita relatione infrascripti Emi Cardinalis Praefecti S. Congregationis de Sacramentis, una cum informatione et voto Ordinarii Luxemburgen., attentis peculiaribus circusmstantiis in casu concurrentibus, suprascriptas preces
4v
benigne remisit prudenti arbitrio et conscientiae eiusdem Ordinarii Luxemburgen. qui remoto opportunis modis scandalo Auctoritate Apostolica dispensare valeat oratorem Nicolaum Müller ab oneribus Subdiaconatus et Diaconatus.Graviter tamen moneatur orator ut ad Sacramenta Poenitantiae et Eucharistiae frequenter accedat, ac per bonos praesentim mores et opera christianae pietatis aliis exemplo ad virtutem praelucere satagat: Contrariis non obstantibus quibuscumque.
Ph. Card. Giustini Praef.
A. Capotosti Ep. Thermen. Secret.