Dokument-Nr. 15021
Fritz, Karl
an Benedikt XV.
Freiburg im Breisgau, 29. September 1920
Dr. Carolus Fritz, Vicarius Capitularis vacantis Ecclesiae Archiepiscopalis Friburgensis, ad pedes Sanctitatis Vestrae prostratus humillime exponit:
Cum electione Capituli Cathedralis Friburgensis die 6 Septembris h. a. electus sim Archiepiscopus Friburgensis cumque Sanctitas Vestra electionem confirmare dignata sit processumque canonicum fieri iusserit isque processus nunc absolutus sit, peto humillime a Sanctitate Vestra, si ita placuerit, canonicam ad hanc Archidioecesim provisionem. Liceat mihi, Pater sanctissime, adiungere preces, utpost datam canonicam provisionem Sanctitas Vestra designare velit iuxta can. 953 Episcopum Consecratorem. Nisi Sanctitas Vestra aliter decernere velit, rogo suppliciter, ut Consecrator delegatur Reverendissimus atque Illustrissimus dnus Dr. Paulus Gulielmus de Keppler, Episcopus Rottenburgensis, cum sit annis Consecrationis primus inter Episcopos residentiales Provinciae Rheni superioris, eoque impedito Revdum atque Illustrm Dnum Dr. Damianum Schmitt, Episcopum Fuldensem, qui aetate est secundus Episcopus eiusdem Provinciae.
Pro qua Gratia etc.
Sanctitatis Vestrae
Humillimus in Christ servus
Dr. Carolus Fritz