Dokument-Nr. 9458
Oster, Alois
an Benedikt XV.
Aachen, 14. Juli 1917
Ad Sanctitatis Tuae pedes provoluti, ut Cordi Tuo rebus nunc angustissimis afflicto aliquantum solatii afferamus, nos qui in Germania septentrionali Operi a s. Infantia Iesu nuncupato praesumus, haec humillime exponimus:
Adversus huius bellici temporis Tristissimam iniquitatem collationes, quas infantes Germanici elapso anno 1916 in favorem praedicti Operis fecerunt, etiam eas multo excedunt, quas ante exortum bellum dederant, 350000 marcis.
In summa et omnino in Germania anno 1916 1975000 marcae s. 2468750 francae in idipsum solutae sunt, id quod est pars multo plus dimidia omnium in terris datarum collationum. Quam ob rem enixe et studiosissime petimus, ut Sanctitas Tua nobis universis qui Operi a s. Infantia nomina dedimus et annumerati sumus – infantibus, directoribus necnon qui praesumus moderatoribus – benedictionem Ap[osto]licam concedere velit.
Aquisgrani, Idibus Iuliis a. 1917.
Administrativum pro Opere a s. Infantia in Germania septentrionali Consilium
d. m.
Alois Oster