Dokument-Nr. 19385
Berg, Ludwig
an Sincero, Luigi
Aachen, 19. Juni 1928
Nuntiaturae Apostolicae Berolinensis opera benigna litteras benevolentia plenas ab Eminentia Vestra datas Romae d. IX. m. junii sub num. 21/1928 recepi.
Gaudeo Eminentiam Vestram labores meos in cura Russorum e patria expulsorum tam benignis verbis probare. Quo animum erectum sentio ad opus pro viribus meis pergendum valetudine
50v
iamiam
refecta. Quantum munus meum docendi in Athenaeo Aquensi permittit, lubentissime
paratus sum ad collaborandum commissioni speciali Berolini institutae pro Russorum
necessitatibus sub regimine Reverendissimi Domini Comitis O'Rourke, urbis Danzig antistitis,
- "dummodo commissio specialis sic velit".Ex toto corde et cara mihi iam consuetudine ad Deum preces meas effundo pro re tanti momenti, tam pro cura Russorum misere expulsorum e patria quam pro Orientalibus omnibus tandem reducendis ad cor piissimae Matris Ecclesiae!
Sacram purpuram Eminentiae
Vestrae deosculans
oboedientissimus servus in Domino
Ludovicus Berg
1↑Ursprüngliche vermutlich von der Kongregation für die Orientalische
Kirche angegebene Protokollnummer "21/1928" hds. von unbekannter Hand, vermutlich vom Absender, korrigiert.