Dokument-Nr. 1981
Vogt, Joseph
an Pacelli, Eugenio
Köln, 29. November 1922
Ad litteras humanissimas de die 20. m. Octobris 1922 fas mihi sit referre:
Unio "Hauspflege und Hilfsvereinigung der Drittordensgemeinde Crefeld" a tertio ordine in civitate Crefeld pro curandis et sublevandis familiis fundata et per R. Dnum Patrem Marcum O.M.Cap. directa zelo laudabili operatur, ut matre temporis aegritudinis vel partus impedita rebus domesticis et infantibus melius provideatur. Magna ex parte haec cura mulieribus pauperibus gratuito praebetur. Quattuordecim virgines hoc munere cum caritate christiana et diligentia funguntur. Multae aliae illas adiuvant.
Excellentiae Vestrae unionem dictam enixe commendare et dignam, cui a S. S. subsidium 1.000 libellarum donetur, hisce audeo designare.
Excellentiae Vestrae profundam meam venerationem significans maneo
Excellentiae Vestrae
humillimus et devotissimus famulus
J. Vogt
Vicarius generalis.