Dokument-Nr. 12818
Hauck, Jacobus von
an Pacelli, Eugenio
Bamberg, 13. Dezember 1924
Secundum literas a Reverendissimo ac Excellentissimo Domino Nuntio Apostolico Monacensi de die 15. Decembris 19031 Ordinaratui Monacensi commissas Sedes Apostolica sub die 10. eiusdem mensis indultum ad sexennium tribuit
"concedendi pro singulis casibus binis Illustrissimis ac Reverendissimis Archiepiscopis Bavarensibus facultatem, qua causas sive civiles sive criminales clerum bavaricum respicientes in tertio iurisdictionis gradu cognoscere et etiam per definitivam sententiam dirimere valeant".
Cum praedictae facultatis terminus iam diu sit elapsus, quin, quod mihi quidem pateat, prorogatio denuo sit concessa, enixe supplico
1) ut dicta facultas etiam pro futuro gratiose concedatur, quippe cum sit pro prompta causarum tractatione ac expeditione revera necessaria;
2) ut pro causis interim tractatis ac sententia finitis sanatio fiat.
Interim pro benevolentia gratias referens plurimas permaneo
Excellentiae Vestrae
addictissimus famulus ac frater
+ Jacobus, Archieppus
Bambergensis.
1↑"15. Decembris 1903" hds. unterstrichen, vermutlich vom Empfänger.