Dokument-Nr. 12963
Blume SJ, Clemens
an Pius XI.
München, 06. Januar 1923
Eximia ista paterna benignitas, qua Sanctitas Vestra dignata est hisce diebus mille liras mihi assignare, ut opus "Analecta Hymnica medii aevi" a provincia Germaniae Societatis Jesu inde ab anno 1886 edendum susceptum ad finem folium perduci possit, summo me gaudio affecit. Gratissimum nunc animum pro tanto ac tam largo munere exprimere mihi liceat. Deus optimus maximus larga sua benedictione rependere velit, ad quae rependenda exiguae meae vires omnino sunt impares.
Filiali pietate ac devotione permotus pedes Sanctitatis Vestrae deosculor et benedictionem tuam paternam mihi exoptans summa qua par est reverentia permaneo
Sanctitatis Vestrae servus indignus et filiolus geatissimus
Clemens Blume S. J.