Dokument-Nr. 14758
Hähling von Lanzenauer, Heinrich Maria Friedrich
an Pius XI.
Paderborn, 27. Februar 1925
2Sub diebus 19. Martii et 14. Iulii 1924 Consilium Generale Societatis Sti Bonifatii Sanctitati Tuae3 reverendissimam petitionem proponere sibi permisit, velit Sanctitas Tua Iubilaeum 75 annorum praedictae Societatis aliquarum gratiarum largitione honorare. Eminentissimus Secretarius Status gratissimis literis [sic] die 4. Augusti praeterlapsi anni 1924 sub num. 33528 datis certiores nos reddidit, Sanctitatem Tuam omnibus votis nostris benignissime respondisse. Pro qua epistola, necnon omni benevolentia nobis praestita laetissimos et obsequentissimos grati animi affectus proferre nobis liceat.
Adiecta erat in praedictis literis de d. 19. Martii et 14. Iulii 1924 specialis petitio super Confoederatione Missarum, quam his verbis expressimus: "In fine liceat nobis, Beatissime Pater, Tibi humiliter exponere, quod praelaudati sacerdotes, nostrae piae Societatis membra, singulis annis s. Missae Sacrificium ad intentionem Societatis nostrae celebrare tenentur et taliter aliquo modo Confoederationem Missarum constituunt. Rogamus ergo enixe et instantissime, velis Tua Apostolica Autoritate ordinare, ut hi sacerdotes inter se et etiam fideles, qui nostrae Societati adhaerent, eo ipso etiam tamquam membra huius
1v
sacrarum Missarum Confoederationis habeantur
et exsistant, et ut ulterius etiam defuncti ita huic Missarum Confoederationi includi
valeant, ut gratiae a divina Misericordia exspectatae impetratorie eis
communicentur".Respectu huius Confoederationis Eminentia Sua sub die 4. Augusti 1924 nobis respondit: "Quae dum Tecum communico, Amplitudinem Tuam etiam rogo, ut faveas petitionem de ita dicta Confoederatione Missarum iterum proponere, ut clarius indoles eius et scopus, necnon petitae concessionis termini pateant".
Quapropter haec accuratius nobis exponere liceat:
Omnes sacerdotes Societatis Bonifatianae membra per statuta Societatis, quae apponuntur, obligati sunt, semel quovis anno Sacrificium altaris offerre iuxta intentionem Societatis. Demortui membri vel benefactoris animam in omnes Missas Societatis includere solemus etiam pro eo casu, ut benefactor tempore vitae membrum Societatis non exstiterit, quia intentionem nostram ipsi formare valemus. Iuxta opinionem nostram tali modo bene dici potest, exsistere Confoederationem Missarum.
Motiva nostra sunt haec: Necessitas Diasporae non tam largis eleemosynis adiuvatur, sicut eius ambitus postulat, quapropter etiam catholicos in America et alibi degentes, ut nobis succurrerent, rogavimus. Quum igitur, sicut expertum est, imprimis in America septentrionali catholici Senera erga s. Sacrificium Missae devotione teneantur, libenter eo modo nos adiuvant, ut Missarum stipendia nobis praebeant, quibus pauperes Diasporae sacerdotes valde laetificantur et eriguntur. Sed hoc adiumentum tunc solummodo necessaria stabilitate fruetur, si benefactores certo sciant, si quovis anno dictum stipendium nobis praebent, se tali modo realiter membra nostrae magnae Confoederationis Missarum exsistere atque fructuum omnium ss. Missarum Con-
2r
foederationis participes esse. Adiicimus, hanc
perpetuo fluentem copiam Missarum stipendiorum etiam tunc permansuram, si aliae eleemosynae,
quod timemus, aliquando evanescant. In hanc Confoederationem Missarum etiam defunctos suos
includere volunt, ut pro singulis defunctis - etiam, uti supra iam exposuimus - pro iis, qui
diebus vitae suae Bonifatianae Societati non adhaeserunt [sic], quovis anno etiam singula
stipendia nobis dentur.Nihil igitur aliud poscimus, nisi ut Confoederatio Missarum hoc sensu iam exsistens tamquam vera Confoederatio Missarum significetur et commendari possit, ita ut bona conscientia declarare valeamus: "Omnes, qui Confoederationi Missarum Societatis Bonifatianae adhaerent vel post mortem suam ei aggregantur, participes sunt omnium Missarum Societatis, si quovis anno stipendium Missae nobis tradatur." Haec ultima quoad defunctos praescriptio pro nobis est maximi momenti.4
Quod commendatio Reverendissimi nostri Ordinarii Caspari Klein, Episcopi Paderbornensis iam nostris prioribus epistolis apposita fuit, iterum sit a nobis hic enunciatum. Et Deus...
Permanemus itaque, Beatissime Pater, in sincerissima devotione et verecundia
Sanctitatis Tuae
obedientissimi filii
Consilium Generale Societatis s. Bonifatii
+ Henricus de Haehling, Episcopus Auxiliarius
Vicepraeses,
loco graviter decumbentis aegroti Praesidentis.
1↑Seitenzählung von den Editoren eingefügt.
2↑Anfang des Absatzes hds. von unbekannter Hand, vermutlich vom Empfänger, in
blauer Farbe angestrichen und links daneben notiert: "I".
3↑"Societatis ... Sanctitati Tuae" hds. von unbekannter Hand,
vermutlich vom Empfänger, unterstrichen.
4↑Nihil igitur ... maximi momenti" hds. von unbekannter Hand,
vermutlich vom Empfänger, in blauer Farbe unterstrichen . Zudem wurde
das Schreiben von "Sub diebus 19. Martiis" bis maximi hds. von unbekannter Hand, vermutlich vom Empfänger,
am linken Seitenrand in blauer Farbe angestrichen, mit " versehen und am Ende blau angestrichen