Dokument-Nr. 16277
Kaller, Maximilian
an Pius XI.
Schneidemühl, 04. August 1926
Maximilianus Kaller, sacerdos, ad pedes Sanctitatis Vestrae humillime provolutus vigore litterarum authenticarum ex aedibus Nuntiaturae Apostolicae Berolinensis de die 6. Iulii 1926 pro territorio usque adhuc vulgo Tütz Administrator Apostolicus ad nutum S. Sedis nominatus exponit, quod die 1. Augusti h. a. iurisdictionem suam in civitate Schneidenmühlensi fundavit.
Regni Christi inastaurationem atque propagationem in territorio de quo supra necnon illud "sentire cum Ecclesia" prae oculis et in animo habens profitetur insimul oboedientiam et devotionem suam quam plurimam erga S. Sedem.
Pro qua gratia gratias maximas agit ea qua par est reverentia et obsequio Sanctitati Vestrae
humillimus
Maximilianus Kaller
Administrator Apostolicus.