Dokument-Nr. 1671
Hagemann, Johannes
an Pacelli, Eugenio
Hildesheim, 26. Juli 1922
litteras supplices, quas Sanctissimo Domino
1. Stephania Solotnitzky in Scheuen parochiae Celle die 23. m. p. et
2. Redactor C. Dransfeld in Hildesheim die 21. m. p.,
porrexerunt, nobis per litteras diei 11. h. m. Nr. 24525 pro voto transmissas hisce adjunctas remittimus, devotissime referentes quae sequuntur.
1. Stephania Solotnitzky, catholica, 23 annos nata est et duobus annis ante coram ministro schismatico matrimonium cum schismatico Solotnitzky iniit. Vir Hamburgi degit ut scriptor victum quaerens; oratrix ab illo singulis hebdomadibus 100 marcas accipit. Ipsa pauca meret acu pingendo. Coram parocho Cellensi propositum a viro sese separandi professa est. Idem parochus nobis refert, oratricem jam diutius in castris Scheuen commorantem hucusque nunquam ecclesiam catholicam proximam, in Celle sitam, visitasse.
2. Quae redactor Dransfeld in suis litteris supplicibus exponit, omnino vera sunt. Familia in miserrima con-
220v
ditione versatur. Digna est quae a Sancto Patre petita sublevatione adjuvetur. Preces oratoris optime merito commendamus.Reverendissimae Nuntiaturae Apostolicae
obedientissimus
Vicariatus Episcopalis Generalis
J. Hagemann.