Dokument-Nr. 3182
Middendorf, Arnold
an Benedikt XV.
Köln, 16. Januar 1920
Electione novi Archipraesulis Coloniensis die hesterna vix peracta Sanctitati Vestrae laetum offerre potuimus nuntium, Rmum Dnum Carolum Joseph Schulte, Episcopum Paderbornensem, ad formam ss. Canonum magno omnium gaudio Archiepiscopum electum esse.
Cum Rmus Dnus Electus nonnisi Sanctissimo Domino jubente ad electionis acceptationem paratum se esse declaraverit, Sanctitatem Vestram humillime petimus, ut Rmum Dnum Electum de voluntate Summi Pontificis certiorem facere velit. Nos prout officii nostri ratio postulat, Sanctitatem Vestram enixe rogamus, ut Eadem Sanctitas Vestra electionem a Capitulo Metropolitano factam Apostolica Auctoritate confirmare et, quam primum fieri potest, Ecclesiae
50v
nostrae viduatae de novo pastore providere dignetur.Sanctitati Vestrae sensus filialis nostrae obedientiae iterum atque iterum testantes Deumque deprecantes, ut Eandam salvam incolumemque servare velit, persistimus.
Ejusdem Sanctitatis Vestrae
obedientissimi Praelati et Canonici
Ecclesiae Metropolitanae Coloniensis,
quorum nomine
Arnoldus Middendorf
Praepositus Capituli Metropolitani.