DEENDatenschutzImpressum

Dokument-Nr. 5314

Klein, Kaspar: Testimonium super Rdo. Dno. Dre. theol. et jur. can. Francisco Egone Schneider, Professore s. Theologiae in Paderborn. Paderborn, 10. Juni 1920

Anlage, Denkschrift, Hds.

Archivsignatur S.RR.SS., AA.EE.SS., Germania, 1920, pos. 1710, fasc. 895, fol. 3rv.
Professor Schneider, natus d. 16. Septembris 1880 in Gerlingen, dioeceseos Paderbornensis, circa Pascha 1904 Presbyteratus ordinem suscepit Paderbornae, postquam per quatuor annos continuos theologiae et juris canonici diligentissime atque sedule operam navavit. Ab anno 1904 usque 1906 onere Praefecti in Seminario puerorum Episcopali Paderbornae fungebatur. Anno 1906 universitatem Monasteriensem petiit, ubi usque Pascha 1908 studiis juridicis deditur, laurea doctoratus juris canonici ornatus est. Ab anno 1908 usque 1909 seminarium juris canonici apud Professorem Stutz in universitate Bonnensi frequentabat, interim studiis scientiarum historicarum incumbens. De 1909 usque 1911 munus sacellani in Campo Santo Romae exercens, in Archivio Vaticano laborabat. Anno 1911 promotus est ad Doctoratum s. Theologiae in universitate Friburgensi i. Br., ibidemque anno 1912 qua Professor privatus juris ecclesiastici se habilitavit atque anno 1917 ad Professorem extraordinarium ejusdem facultatis promotus est. Elapsis duobus annis Episcopus Paderbornensis ipsum ad Professuram juris ecclesiastici Paderbornam vocavit. Per annos belli a 1914 usque 1918 adlaborabat uti capellanus militaris. Opus ejus scientificum principale agit "De Romana Rota".
Mihi quidem Dnus Professor Schneider a prima pueritia notus est. Eum in conversatione et progressu scientifico observandi jugiter mihi occasio erat, et mini-
3v
me cunctor nec dubito ut testis ocularis, ipsi optimum exhibere testimonium. Excelluit semper animo fidelissimo erga Ecclesiam, strenua diligentia, prudentia maxima, ita ut ipsi in omnibus negotiis tuto confidi possit. Insuper habilissimus est ad ea, quae justa cognovit, apte et recte tractanda et vindicanda. Praetermittere nolumus, eum virum esse urbanum et affabilem, alienissimum ab omni arrogantia et superbia.
Propter talem indolem laudatasque qualitates Professor Schneider summan fidem superiorum omniumque, quibuscum conversatus est, sibi comparavit. Ideoque decessus ejus eventualis nostrae Academiae philosophicae-theologicae magno esset detrimento. Nihilosetius Ordinariatus Paderborniensis, votis SSmi. Patris obsequens, praelaudatem Professorem pro munere gravi Consiliarii Ecclesiastici Delegaturae gubernii Germanici apud S. Sedem, pro quo omnimodo aptissimus censetur, libenter dimittet.
Vicarius Capitularis Klein
Empfohlene Zitierweise
Klein, Kaspar, Testimonium super Rdo. Dno. Dre. theol. et jur. can. Francisco Egone Schneider, Professore s.Theologiae in Paderborn, Paderborn vom 10. Juni 1920, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 5314, URL: www.pacelli-edition.de/Dokument/5314. Letzter Zugriff am: 24.11.2024.
Online seit 14.01.2013, letzte Änderung am 31.07.2013.
Anlagen
Entwürfe/Ausfertigungen
Weisungen
Verlinkte Dokumente
Verlinkte Kurzbiografien
Verlinkte Schlagwörter
Verlinkende Dokumente