Dokument-Nr. 7931
Pacelli, Eugenio
: [Kein Betreff]. München, 12. Juli 1917
Eugenius Pacelli
Archiepiscopus Sardianus
apud Regia Bavariae Aulam Nuntius Apostolicus
Universis et singulis has praesentes Literas visuris notum facimus et testamur Illmum ac Revmum Dominum Michaelem Faulheber [sic] Episcopum Spirensem ad Ecclesiam Metropolitanam Monacensem et Frisingensem electum coram Nobis hodie personaliter comparuisse et Fidei professionem necnon Jusiurandum contra Modernistarum errores iuxta formulas hiisce foliis impressas in manibus Nostris emisisse, omnia et singula in eis contenta attente, alta voce, distinctis verbis, de verbo ad verbum legisse, seque illa credere et omni tempore servaturum et a suis subditis servari curaturum jureiurando, flexis genibus, tactis SS. Dei Evangeliis promisisse, propriumque Nomen, cognomen et qualitatibus his formulis apposuisse et subsignasse, praesentibus testibus Illmo ac Revmo Dno Octone Bardenhewer, Protonotario Apostolico et Revmo Dno Antonio Seitz Examinatore Prosynodali etc.
In quorum fides praesentes Literas manu Nostra signatas et sigillo Nostro munitas per dilectum in Xsto Dum Laurentium Schioppa Nuntiaturae Auditorem et Notarium Apostolicum expediri mandavimus.
LS
sig. Eugenius Archiepiscopus Sardianus
Nuntius Apostolicus
sig. Laurentius Schioppa
Notarius Apostolicus