Dokument-Nr. 8590
Benedikt XIV.
an Archinto, Alberico
[Rom], 01. August 1748
Cumque ad eum finem magnopere profuturam existimemus, certam Iudiciorum methodum ibidem statuere, iuxta quam Causae Ecclesiasticae, et ad Ecclesiasticum forum pertinens, qua in prima Instantia coram Episcopo Wrastislaviensi seu coram Iudicibus ab Eo Deputatis discussa et iudicata fuerint, ita in secunda Tertiaque Instantia, prout fuerit, revideantur, ut Partes contendentes nequaquam extra ipsum Silesiae ducatum ad Iudicium trahantur. Idcirco tenore decernimus et mandamus, ut modernus Episcopus Wratislaviensis Eiusque futuri successores Episcopi cum consilio Capituli eorum Ecclesiae Cathedralis disctinctum et amplum, quantum fas erit, Elenchum conficiant personarum Ecclesiasticarum, quas ad iudicandum in causis Ecclesiasticis idoneas et aptas existimaverint, eumque Elenchum seu notulam Tibi, Venerabilis Frater, tuisque successoribus Apostolicae Sedis in Polonia nunciis ordinariis transmittant, utque si quis
7
a Sententia praedicta Curiae Episcopalis seu Iudicis ab
ea deputati in prima Instantia adversus intentionem suam prolata appellare voluerit, ad te,
seu ad Successores tuos Nuncios pro tempore existentes appellationem interponere debeat; Tu
vero ipsius causam in secunda Instantia cognoscendam omnino committas alicui ex
Ecclesiasticis viris in praefato Elencho conscriptis; Idque tam a te, quam a Successoribus
tuis servetur non solum pro secunda Instantia, sed etiam similiter pro Tertia, quatenus in
secunda succumbentes, ulterioris appellationis beneficium implorent, et ad illud admitti
mereantur. Ne autem e Iudicum deputatorum recusationibus, sive ex suspicionibus adversus
eos, licet in Episcopi Notula descriptos, fortasse allegandis huiusmodi secundae ac tertiae
Instantiae Iudicia in longum nimis protrahi contingat, volumus et statuimus ut causarum
Commisiones et Iudicum deputationes, quae a te et a Successoribus tuis pro tempore iuxta
praemissa fieri debebunt, cum sequenti Clausula fiant, nimirum quatenus Partes in eum
consentiant, cum facultate alium deputandi ex descriptis in notula de consensu earundem
Partium; insuper si forte Partes super hoc concordari nequeant, idem deputatus Iudex
nihilominus alium aliquem in Elencho descriptum ipsis etiam Partibus dissentientibus
deputare possit et valeat adiectis videlicet in Commissione addito hisce verbis: Sin minus
ex officio - quod pariter tam in deputatione Iudicum secundae quam tertiae Instantiae
observari mandamus et praecipimus, totumque praesentium litterarum tenorem omnimoda
firmitate validum et efficacem existere, ac censeri, non obstantibus quibuslibet contrariis
regulis atque Apostolicis, et in universalibus, Provincialibus, ac Synodalibus Conciliis
editis, sive etiam in Corpus Iuris Canonici relatis Constiutionibus tam generalibus quam
specialibus, ac litteris etiam super facultatibus tibi, tuisque Successoribus praefatis
tanquam a latere Legatis ex 8
Apostolicae Sedis concessione,
competentibus quacunque forma, et cum quibusvis Clausulis et Decretis quandocunque confectis
et emanatis, nec non istius Tribunalis et Wratislaviensis Ecclesiae, et ipsius Episcopalis
Curia etiam iuramentis, Confirmatione Apostolica vel alia quavis firmitate roboratis,
Statuis praxi et Stylo, atque usibus, et consuetudinibus etiam immemorabilibus. Quibus
omnibus et singulis pro praemissorum effectu hac vice dumtaxat specialiter et expresse de
Apostolicae potestatis plenitudine derogamus; caeterisque contrariis quibuscunque; Interim
Fraternitati Tuae Apostolicam benedictionem permanenter impertimur. Datum Romae apud S.
Mariam Maiorem sub Annulo Piscatoris die I Augusti 1748. Ven. Fri. Alberico Archiepiscopo
Nicaeno, Nostro et Apostolicae Sedis in Polonia Nuncio.