Dokument-Nr. 909
Hauck, Jacobus von
an Pacelli, Eugenio
Bamberg, 21. Oktober 1918
Literis d. d. 13. Novembris 1915 Monachii ex Aedibus Nuntiaturae Apostolicae datis vigore facultatum specialium Achiepiscopo Bambergensi facultas tributa est causas matrimoniales Regni Bavarici in tertia instantia examinandi, cognoscendi et decernendi usque ad sententiam definitivam, servatis servandis.
Quae cum facultas ad triennium tantum concessa fuerit, enixe supplico, ut Excellentia V estra recentem indulti dicti prorogationem mihi procurare dignetur.
Quam favorabilem occasionem nactus summae aestimationis sensus exprimens permaneo
Excellentiae V estrae
Infimus in Christo famulus
+ Jacobus, Archiepiscopus