Dokument-Nr. 16345

Hartmann, Alexander: Obligationes capituli cathedralis ad St. Petrum Budissinensis circa dotationem episcopi Misnensis. Bautzen, 18. August 1926

Anlage, Denkschrift, Masch.

Archivsignatur	AAV, Arch. Nunz. Berlino 55, fasc. 2, fol. 67rv.

Copia.

Capitulum Cathdrale ad St. Petrum Budissinense Episcopo Misnensi pro complenda sufficiente dotatione mensae Episcopalis ex suis bonis pro tempore residentiae in civitate Budissa praestare tenetur:
I. Summam annuam 8.000 Marcarum aurearum.
II.Praetera sine ulla compensatione:
1. Pro residentia Episcopi Misnensis Capitulum cedit totam aedem Decanatus Capituli, prout Rmo Decano Administratori praefecturae Lusitatiae inserviebat; in eadem habitatio cum universa supellectili et bibliotheca manuali atque oratorium domesticum Episcopo reservatur.
2. Episcopus cibum potumque percipit sumptibus Capituli¹ e communi culina subministrandum; hospites, quos Episcopus ratione muneris sui ad suam mensam invitaverit, Capitulum reficiet.
3. Famulum Episcopi, aurigam, coquam; ancillas, aeditum Capitulum sustentabit. Aegroto Episcopo nosocomum procurabit.
4. Currus et equi Capituli primo loco Episcopo reservantur.
5. Caloris (vaporei et carbonici), lucis electricae et carbonicae itemque telephonii liberum usum Epicopus habebit.
6. Episcopo arcis et horti in Schirgiswalde totiusque supellectilis liber usus erit, exceptis cubiculis canonicis pro levamine aestivo ibidem reservatis.
7. Episcopo patebit liber accessus ad Archivum et Bibliothecas Capituli.
8. Episcopo competit liber usus vestium Episcopalium Capituli,

76v

itemque supellectilis, paramentorum, calicum, librorumque liturgicorum ad Pontificale ministerium spectantium.
9. Cum possessionis realis supradictae dominium remaneat in perpetuum penes Capitulum, cui in tabulis publicis (Grundbuch) actu adscribitur, idem Capitulum ad St. Petrum vectigalia civilia solvet et bonum statum aedificiorum suis sumptibus sustentabit necnon restaurationibus residentiae Episcopalis (Budissae et Schirgiswalde) providebit.
10. Tamquam cautelae pro praestantionibus supradictis Capitulum Cathedrale ad St. Petrum oppignorare tenetur praedium suum nobile Schirgiswalde, scilicet 75 hectaria agrorum et pratorum atque 270 hectaria silvarum.
(L.S.)
(sig.) Alexander Hartmann, decanus capituli

1↑"sumptibus Capituli" hds. von unbekannter Hand eingefügt.

Empfohlene Zitierweise

Hartmann, Alexander, Obligationes capituli cathedralis ad St.Petrum Budissinensis circa dotationem episcopi Misnensis, Bautzen vom 18. August 1926, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 16345, URL: www.pacelli-edition.de/Dokument/16345. Letzter Zugriff am: 26.04.2024.

Online seit 29.01.2018, letzte Änderung am 20.01.2020.