Dokument-Nr. 2542
Matulevičius, Jurgis
an Benedikt XV.
Mariampol, 05. August 1918
Superior Generalis Congregationis CC. RR. Marianorum ab Imm. Conceptione B. V. M., cuius domus princeps Mariampoli est, ad pedes Vestrae Sanctitatis provolutus humillime implorat, ut in suo munere superioris confirmetur pro tempore belli, quoad capitulum generale Congregationis denuo congregari et ad electiones faciendas procedere possit. – Ob iniquitatem temporum ac belli domus Congregationis invicem sunt separatae; elapso sexennio, sodales ad celebrandum capitulum generale neque potuerunt convenire neque possunt. Ob easdem causas neque praescripta relatio de statu Congregationis praestari potuit. Sed Deo adiuvante, non obstantibus magius difficultatibus, quas bellum parat, Congregatio nostra magis magisque propagatur, numerus sodalium augetur. Nunc temporis iam tres novitiatus habemus: in America (Chicago), in Polonia prope Varzoviam (Bielany) pro polonis et in Lithuania Mariampoli induamus novitiatum pro Lithuanis.
Et Deus etc.
Georgius Matulewicz
Sup. Gen.