Eminentissime ac Revdme Dne Mi Obsdme!
Ad venerandum Rescriptum diei
25. Aprilis h. a. nr. 79422 in causa Camerarii Secreti Sanctitatis Suae
Francisci Semer in Berlin sequentis obedientissime respondere festino.
Ex pluribus jam
annis ullum de ejus negat ad supradictum virum nullam habui communicationem, neque
ullum de ejus negotiis nuntium accepi. Hinc sacerdoti, ad quem Dns Semer in suis
quaestionibus recurrere solebat, qui est sacerdos summa confidentia dignissimus, scripsi
petendo, ut exponere mihi faveat, quid in quaestione ab Eminentia Vestra Revdma deliberata
suadendum forsam sit. Responsum, quod hodie accepi, querelas de Francisco Semer ad S. Sedem
latas fundamento carere non probat Formalem inquisitionem instituere de veritate
relationum, quae ad Eminentiam Vestram pervenerunt, attentis circumstantiis vix expedire
videtur. Hinc quum meliores informationes acquirendi desit occasio, omnimo [sic] resolutioni
Sanctae Sedis relinquendum erit, an oporteat nomen ejus ex catalogo Camerariorum Secretorum
expungere, si ex parte Excellentissimi ac Reverendissimi Dni Nuntii Apostolici in Berlin
residentis oportunius consilium dari non possit.
Certum est Franciscum Semer illo
tempore, quo de acquirenda domo Nuntiaturae Berolinensis laudabilissime meritus est, fama
optima gavisum esse; hinc valde doleo difficultates et incommoda orta esse, quae praevidere
impossibile fuit. 393v
Summa cum reverentia permaneo esse
Eminentiae Vestrae Revdmae
Obsequiosissimus servus
(s) A. Card. Bertram
Empfohlene Zitierweise
Bertram, Adolf Johannes an Gasparri, Pietro vom 11. Mai 1929, Anlage, in: 'Kritische Online-Edition der Nuntiaturberichte Eugenio Pacellis (1917-1929)', Dokument Nr. 17390, URL: www.pacelli-edition.de/Dokument/17390. Letzter Zugriff am: 24.11.2024.
an Gasparri, Pietro