Dokument-Nr. 17446
Sester, Josef
Hirt, Simon an Pius XI.
Freiburg im Breisgau, 04. Juni 1929
Carolus Archiepiscopus Friburgensis ad pedes Sanctitatis Vestrae humillime provolutus exponit, quae sequuntur:
Die decimo mensis Julii h. a. celsissimus et excellentissimus Dominus Dominus Joannes Georgius Saxoniae dux ad annum vitae suae sexagesimum perveniet. Per decennium Friburgi commorans firmissima fide, morum integritate, communione missaeque visitatione quotidiana et intrepida pro re catholica defendenda constantia excellit, de scientia christiana etiam tum libris scriptis tum itineribus scientificis in loca dissita tum stipendiis societati litterariae Goerressianae praestitis optime meritus. Hisce adhuc diebus collectionem suam operum artis christianae uberrimam libenter aperuit, ut exponatur Germaniae catholicis mense Augusto Friburgum convenientibus ad congressum catholicorum. Uxor autem ducis ex stirpe regali orta opus pro alumnis ad sacerdotium se praeparantibus sublevandis paucis abhinc annis initiavit et
74v
fervido zelo dirigit.Pro filiali suo amore, quo flagrat erga Sanctam Sedem, summus sexagenario esset honor natalisque diei laetitia prima et suprema, si benignitas Vestra, Beatissime Pater, precibus meis indulgeret praestando ipsi gratulationis litteras largiendoque indulgentiam plenariam tum natalem diem celebranti tum ceteris hac occasione sacrificio missae in oratorio privato ducis assistentibus.
Pro qua gratia etc.
Sanctitatis Vestrae
servus humillimus et in Christo filius
Pro aegrotante Archiepiscopo: Dr. Sester
Vicarius generalis
Dr. Hirt
1↑Protokollnummer hds. vermutlich vom Empfänger in roter Farbe
unterstrichen.