Dokument-Nr. 519
Werthmann, Lorenz
an Pacelli, Eugenio
Freiburg im Breisgau, 11. September 1920
vobis libentissime obsecundans, de persona et qualitatibus Domini Caroli Fritz ad archiepiscopatum Friburgensem hisce diebus electi ita sententiam meam expono, ac si coram Deo jurejurando eam confirmare deberem.
Inter sacerdotes huius dioecesis ad dignitatem archiepiscopalem Dno Fritz digniorem aptioremque invenire non possum. Ipse aetate non nimis provecta, robustissima valetudine, statura ultra medium prominente, facie affabili gaudet. Multo vero
42v
majora eius dona spiritualia!In ipso vitae integritas ac pietas sacerdotalis cum solida scientia theologica conjuncta invenitur. Per plures annos in cura pastorali tum rurali tum urbana optime versatus, in administratione ecclesiastica omnium major exstitit. Per decem annos bonorum ecclesiae temporalium inspector ac tutor a Rmo Archiepo Thoma Nörber in Curiam vocatus magna pars administrationis dioecesanae functus est. Non mediocre prudentia praeditus, etiam difficiliora negotia magna dexteritate ad finem felicem perduxit. Aequalis in eo fortitudo in defendendis juribus ecclesiae ac in Apostolicam Sedem devotio.
Eius qualitates eximias defunctus Archieppus valde aestimans iterum
43r
atque iterum mihi professus est, quantum de ingenii eius acumine atque in gubernis experientia satisfactus sit. Alii quoque Germaniae episcopi, cum quibus iterata vice uti delegatus Archieppi Fuldae convenerat, eius in jure ecclesiastico et civili scientiam necnon bonam impressionem, quam ipsis reliquerat, coram me extulerunt.
De clero dioecesano fere idem dicendum. Omnes, cum quibus de neoelecto sermonem feci, eius in dioecesim merita necnon ad ecclesiasticum regimen felices qualitates agnoscunt.
Etiam operibus et institutis Caritatis ipse, in quantum tempus permisit, animum advertit, atque de Caritatis in hisce
43v
temporibus pro salute animarum utilitate atque praestantia saepius nobis verba fecit.Proinde intime mihi persuasum est, animos Votantium in eius electione a Spiritu sancto directos fuisse.
Superest, ut de specialis fiduciae praeclaro testimonio gratias quam maximas agam meque profitear
Excellentiae Vestrae
fidelissimum servum
Dr. Laur. Werthmann,
prael. dom. S.S.