Document no. 19962
Wendlandt, Hans Carl
to Pius XI.![Show short biography](./resources/images/document/i-icon.png)
Berlin, January 1929
Limina Apostolorum occasione festi Sacerdotii quiquagenarii adiens, licet non corporaliter sed spiritualiter, infrascriptus auctor libri: "Die weiblichen Orden und Kongregationen der Katholischen Kirche und ihre Wirksamkeit in Preussen von 1818 bis 1918" anno Dni MCMXXIV in officina Ferdinandi Schöningh Paderbornensis impressi Te, Sanctissime Pater, devote dignatur rogare, ut Tuae Sanctitatis benevolentia additas chartas iunctas "Het Klooster" quae vocantur atque lingua Neerlandica typis diurnalis "Nieuwe Venlosche Courant" ecclesiastica cum permissione Venloniae Limburgi singulis mensibus solent publicari, indulgentissime quasi exile donum accipiat.
Amplissimi Vestrae Sanctitatis succursus sine quo librum praefatum nullo modo aut tempore aut loco imprimi constat potuisse, pergrato recordatus animo scriptor harumce ephemeridum menstruarum anno MCMXXVII per Divinam Gratiam e religione haeretica in Verae Ecclesiae gremium reversus Tibi, Sanctissime Pater, filius profundissimam vult reverentiam attestari.
70v
Editio Neerlandica die festo Omnium Sanctorum Anni Jubilaei
incepta tum ob inopiam pecuniae tum propter fines omnino nove ab editoribus constitutos
difficillima post exordia non minus difficiliorem habuit progressum. Penuriae facultatum
enim uti mederentur, redemptores indicia negotialia licet solum honesta ac decentia in vacuo
typis exscribenda cogebantur curare, quoniam impensis typographicis solutiones adbonientium
minime erant pares. Praeterea lectorum numerus tres per annos duntaxat pedetentim augebatur,
quamquam iam aestate anni MCMXXVI Revmis Episcopis Neerlandiae primas chartas iunctas per
literas laudanter commendare placuerat necnon vel paucis mensibus post Emus ac Revmus
Dominus Guilelmus Marinus Sanctae Crucis in Hierosolymis tituli Presbyter Cardinalis van
Rossum ipse vulgantibus ephemerides "Het Klooster" benedictionem suam manu impertiebat
propria.Consilium ab initio publicationis stricte tenuerunt editores historiam ordinum et congragationum et societatum religiosarum per Neerlandiam sparsorum seu sparsarum exhibendi aut eruendi, vitam genuinam et efficacitatem spiritualem et labores harum societatum accurati iuxta veritatem describendo sinceras vocationes excitandi, coram fidelibus aut infidelibus denique vim vitalem in statu regulari in dies magis efflorescentem numero tenus demonstrandi, ita ut exinde quid valeat religio vera, perspicue intelligatur.
(Semel tantum, in charta iuncta scilicet XVI, scriptum quoddam de architectura duorum monasteriorum elaboratum textus ordinarii loco erat inserendum.)
In finibus Neerlandiae cum plus quam CXX diversae exstant
71r
societates sororum seu indigenae seu peregrinae,
ephemeridibus materiam ad proximos annos non defuturam licet sperare, si schedae
interrogatoriae, quibus ad singula experienda opus est, a superiorissis monasteriorum vel
antistitis generalibus admodum recte et copiose respondebuntur. Quarum propter laborem
multifarium nempe timendum est, ne literas commendaticias supradictas quae semper
percontationibus adiiciuntur, seorsum deponant. Ad futuram responsionem, ut celerius
faciliusque quarum rerum oblitae sunt, recordentur, infrascriptus auctor Vestram Sanctitatem
devotissime exorat, ut Sanctissimus Pater editioni necnon editoribus per piissimas preces,
ne opus Deo iuvante inceptum humanae succumbat impeditioni, subvenire atque ephemerides "Het
Klooster" per Apostolicam Benedictionem corroborare dignetur.Annulum Piscatorium Vestrae Sanctitatis maxima cum reverentia osculans filius Vester humillimus et oboedientissimus
Hans Carl Wendlandt
Postampii, prope Berolinam
Kronprinzenstrasse 8,
mense Januario 1929
Huic epistolae duo adiunguntur exemplaria schedularum interrogatoriarum, unum pro singulis monasterius, alterum pro <ordinibus vel congregationibus>1
1↑Hds. von Wendlandt
eingefügt.