DEENPrivacy policyLegal disclaimer

Document no. 10954

Processus Inquisitionis super qualitatibus Illmi ac Rmi Domini Dr. Ludovici Hugo, Rectoris Seminarii Episcopalis Spirensis, a Ssmo Domino Nostro Benedicto PP. XV., si Ei placuerit, ad dignitatem episcopalem promovendi. [Speyer], before 27 January 1921

Attachment, other, typewritten

Draft no. 12082 1165
Archive reference number AAV, Arch. Nunz. Berlino 78, fasc. 1, fol. 170r-171v.
[Kanonischer Prozess]
171r
In Nomine Domini. Amen.
Per hoc publicum Processus seu Inquisitionis instrumentum cunctis ubique pateat evidenter notumque sit omnibus et singulis ad quos spectat seu in futurum spectare poterit, quod:
Excmus ac Rmus Dominus Dominus Eugenius Pacelli, S. Theologiae Doctor, Archiepiscopus Sardensis, Nuntius Apostolicus Monachii, certiorem me fecit Ssmum Dominum Nostrum Papam Benedictum XV. propter infirmama et diuturnam valetudinem Illmi ac Rmi Domini Henrici Kirstein, S. Theologiae Doctoris, Episcopi Moguntini, Rmum Dominum Dr. Ludovicum Hugo, pro tempore Regentem Seminarii Clericalis Spirensis, in Coadjutorem Illmi et Rmi Episcopi Dr. Henrici Kirstein eligere benignissime dignatum esse sibique facultates necessarias et opportunas tribuisse canonicam Inquisitionem, quam Processum appellant, conficiendi super praelaudati Promovendi qualitatibus juxta normas s. m. Gregorii XIV. Constitutione ac s. m. Urbani VIII. Instructione praescriptam, cum potestate subdelegandi. Proinde Excmus ac Rmus Dominus Dominus Eugenius Pacelli, Nuntius Apostolicus, per idem rescriptum me infrascriptum Ordinarium Spirensem benevolentissime subdele-
171v
gavit ad hoc munus conficiendum. Cui insigni mandato omni qua par est reverentia obsequens duos testes qualificatos, videlicet Rmum Dominum Augustum Brehm, Sanctitatis Suae Praelatum et Ecclesiae Cathedralis Spirensis Praepositum, et Rmum Dominum Fridericum Molz, Sanctitatis Suae Praelatum, Ecclesiae Cathedralis Spirensis Decanum et Vicarium Generalem, ex officio vocatos et coram me comparentes, omni humano affectu deposito et praestitis juramentis audivi et examinavi eorumque dicta et depositiones per dilectum in Christo Dominum Georgium Bienfang, Vicarium Ecclesiae Cathedralis Spirensis et Secretarium, pariter juratum, recipi et in scriptas redigi iussi, ut ex adjectis apparet testimoniis:
Der Kanonische Prozess Ludwig Hugos ist in mehreren Dokumenten aufgeteilt. Das Folgende finden Sie hier.
Recommended quotation
Anlage from before 27 January 1921, attachment, in: 'Kritische Online-Edition der Nuntiaturberichte Eugenio Pacellis (1917-1929)', document no. 10954, URL: www.pacelli-edition.de/en/Document/10954. Last access: 12-04-2025.
Online since 24-10-2013, last modification 10-03-2014.
Attachment(s)
Draft(s)/final version(s)
Directive(s)
Linked document(s)
Linked short biographies
Linked keyword(s)
Linking document(s)