Document no. 12092
Schreiber, Christian to Pius XI.
Bautzen, 12 July 1923

Attachment, letter, typewritten

Nunciature’s protocol no.
Vatican’s protocol no.	20435
Archive reference number	AAV, Segr. Stato, Anno 1923, rubr. 79, fasc. 4, fol. 58r.

Beatissime Pater!
Appropinquat dies 24. Julii¹, quo in Sanctimonialium Cisterciensium venerabili coenobio Mariaestellae in Lusatia Saxonica prima post quattuor saeculorum tristissima fata congreganda erit Synodus Dioecesana Misnensis. Grato animo recordamur omnes, Dioecesim nostram olim in Germania celebrem, sed dissidiorum victimam S. Sedis Apostolicae benignissimo interventu fuisse redintegratam.
Tum mea tum universi Cleri Saxonici ardentissima vota ad Summum Pontificem, Christi in terris Vicarium, extolluntur, qui larga manu necessitates nostras sublevare dignatus est. Recipiat quaeo, Sanctitas Vestra gratitudinis et obsequii nostri memoriale perenne: Saxoniam catholicam, per saeculorum spatia afflictam, Sedi Apostolorum firma fide et obedientia filiali esse et manere devinctam.
Hujus sacri foederis inviolabile sigillum praebeat Sanctitatis Vestrae Apostolica benedictio, quam una cum indulgentia plenaria a Clero, Sanctimonialibus et populo fideli sub consuetis conditionibus in Synodo lucranda suppliciter erogamus.
Cum intimo cordis affectu et osculo pedum
devotissimo
Sanctitatis Vestrae
humillimus servus et filius:
Christianus Schreiber,
Episcopus Misnensis.

58r, unterhalb der Datumszeile hds. von unbekannter Hand, vermutlich vom Empfänger, vermerkt: "Risp. Telegramma 20-VII-23".

1↑"24. Julii" hds. von unbekannter Hand, vermutlich vom Empfänger, in roter Farbe unterstrichen.

Recommended quotation

Schreiber, Christian to PiusXI. from 12 July 1923, attachment, in: 'Kritische Online-Edition der Nuntiaturberichte Eugenio Pacellis (1917-1929)', document no. 12092, URL: www.pacelli-edition.de/en/Document/12092. Last access: 06-05-2024.

Online since 23-07-2014, last modification 16-10-2015.