Document no. 13420
Ow-Felldorf, Sigismund Felix von
to Pacelli, Eugenio
Passau, 10 May 1923
Quum Administer pro rebus ecclesiasticis in Bavaria gerendis, Dr. Franciscus Matt, mihi renuntiasset, se in votis habere, ut dignitas decanalis huius Ecclesiae Cathedralis Passaviensis per obitum Remi. Dni. Maximiliani Alteneder vacans, extensione indulti Apostolici impretata, Rmo. Dno. Ludovico Henrico Krick, S. S. Theologiae Doctori, huius Ecclesiae Cathedralis Canonico, Ssmi. Domini nostri Pii P. P. XI. Praelato domestico et pro tempore Vicario generali Passaviensi conferatur, huic proposito libenter assensum meum praebui; nam praelaudatus Rms. Dns. Dr. Krick, quamvis aetate iam provectus sit, tamen viribus tam corporis quam mentis minime destitutus apparet, et, de rebus huius Dioecesis sub sex Episcopis non uno modo praeclare meritus, omnino dignus habendus est, qui dignitate ecclesiastica augeatur.
Haec dum Excellentiae Vestrae rescribo, pergratum mihi est, sensus eximiae existimationis profiteri, qua permaneo
Excellentiae Vestrae Rmae.
famulus obsequiosissimus
+ Sigismundus Felix,
Epps. Passavien.