Document no. 18266
Matulevičius, Jurgis
to Gasparri, Pietro
Paris, 31 May 1926
Gubernium lituanum, ut scripsi, difficultatem habuit inveniendi hominem qua ministrum penes S. Sedem.
Acceptandi id officium propositum factum est D.no Klimas qui modo penes Gubernium Gallicum est minister lituanus. Egi cum hoc viro, ille consentit a Gubernio munus propositum provisorie acceptare, donec novum Gubernium e factionibus quae in electionibus vicerunt efformatum aliter statuat. D.nus Klimas e baptismate est catholicus, sed nescio an in praxi suam religionem exerceat; est tamen homo prudens et ponderatus et intelligit momentum pro Lituania bonarum S. Sede relationum.
Quantum e colloquiis cum variis personis intellexi, etiam novum Gubernium, etiamsi ex oppositis factionibus constans, relationes cum S. Sede redintegratas non abrumpet; contra eas bonas curaturum est.
Mea opinione opportunum est, ut internuntiatura vi Gubernii lituani documenturum, quae per Nuntiaturam parisiensem transmisi, quantocius in Lituania instituatur. De personis res postea practari poterit.
Ex America sub finem augusti mensis redire intendo; tunc
9v
iam rerum conditio in Lituania clarior erit; item tunc
temporis negotia quae perfici non poterant spero fore ut expediam.Interim deosculans sacram purpuram Vestrae Eminentiae Ill.mae ac Rev.mae permaneo obsequentissimus et humillimus servus
+ Georgius Matulewicz
Archieppus Tit. Adulitanus
Visitator Ap. pro Lituania.