TEI-P5
Document no. 18636
Beatissime Pater!
Carolus Archiepiscopus Friburgensis et provinciae Rheni superioris Metropolita ad pedes Sanctitatis Vestrae humillime provolutus exponit quae sequuntur:
Vicarius foraneus huius urbis Friburgensis a me rogavit, ut pro advocato Doctore Ferdinando Kopf hic habitante, qui die 30. Mai a.c. diem suum natalem septuagesimum aget, gratiam aliquam a Sanctitate Vestra impetrem. Quas preces Sanctitati Vestrae libenter offero, et quod virum, de quo agitur, gratia aliqua Apostolica dignissimum esse puto et quod ei signum aliquod honoris a Sanctitate Vestra concessum procul dubio summo gaudio esset.
Doctor Ferdinandus Kopf, ubi primum munere advocati functus est, in primo ordine virorum illorum vere catholicorum stetit, qui in terra Badensi et in hac urbe Friburgensi rebus catholicis inserviebant. Primo nonnullos annos munere iuris consulti in hac curia fungens Archidioecesi nostrae multas utilesque operas praestitit. Postea ad comitia terrae Badensis deputatus et deinde etiam huius corporis praeses electus iura sanctae ecclesiae catholicae fortissimo semper
Quae cum ita sint, liceat mihi, dictum dominum Doctorem Ferdinandum Kopf advocatum Sanctitati Vestrae, ut honore aliquo ornetur, enixe commendare ac deditissime rogare, ut cruce comitum Ordinis St. Gregorii benignissime decoretur.
Sanctitatis Vestrae
servus humillimus et in Christo filius
+ Carolus Fritz
Archiepiscopus Friburgensis.
Online since 25-02-2019.
Document no. 18636
Fritz, Karl
to Pius XI.
Freiburg im Breisgau, 27 April 1927
Carolus Archiepiscopus Friburgensis et provinciae Rheni superioris Metropolita ad pedes Sanctitatis Vestrae humillime provolutus exponit quae sequuntur:
Vicarius foraneus huius urbis Friburgensis a me rogavit, ut pro advocato Doctore Ferdinando Kopf hic habitante, qui die 30. Mai a.c. diem suum natalem septuagesimum aget, gratiam aliquam a Sanctitate Vestra impetrem. Quas preces Sanctitati Vestrae libenter offero, et quod virum, de quo agitur, gratia aliqua Apostolica dignissimum esse puto et quod ei signum aliquod honoris a Sanctitate Vestra concessum procul dubio summo gaudio esset.
Doctor Ferdinandus Kopf, ubi primum munere advocati functus est, in primo ordine virorum illorum vere catholicorum stetit, qui in terra Badensi et in hac urbe Friburgensi rebus catholicis inserviebant. Primo nonnullos annos munere iuris consulti in hac curia fungens Archidioecesi nostrae multas utilesque operas praestitit. Postea ad comitia terrae Badensis deputatus et deinde etiam huius corporis praeses electus iura sanctae ecclesiae catholicae fortissimo semper
169v
animo
temporibus licet iniquissimis defendit. Qui quoque praeses regionis Friburgensis electus,
concilio civium urbis praefectus necnon senator creatus non solum bono publico consuluit sed
etiam virum vere catholicum pioque ac sincero in ecclesiam animo semper ductum omni tempore
se praebuit. Multos iam annos munere consiliarii in consilio administrationis ecclesiae
paroch. ad St. Martinum Ep. necnon in consilio administrationis ecclesiastico pro tota
urbe constituto fungitur ac ut praeses consiliorum administrationis pro diario catholico
huius urbis et pro schola puellarum, cui nomen "Katholisches Institut", constitutis de rebus
quae ad diaria catholica quaeque ad scholas catholicas pertinent, optime meritus est.
Accedit denique, quod ipse cum tota familia sua, cui tribus filiabus tenera aetate
praemature mortuis unicus tantum filius superest, officia vitae catholicae pie ac diligenter
implet ita, ut omnibus optimo exemplo sit.Quae cum ita sint, liceat mihi, dictum dominum Doctorem Ferdinandum Kopf advocatum Sanctitati Vestrae, ut honore aliquo ornetur, enixe commendare ac deditissime rogare, ut cruce comitum Ordinis St. Gregorii benignissime decoretur.
170r
Pro qua gratia etc.Sanctitatis Vestrae
servus humillimus et in Christo filius
+ Carolus Fritz
Archiepiscopus Friburgensis.