Document no. 20806
Weber OSB, Norbert
to Pacelli, Eugenio
St. Ottilien, 21 June 1929
Norbertus Weber, Archiabbas Congregationis Ottiliensis O S B. pro Missionibus exteris ad pedes Sanctitatis Vestrae provolutus humillime quae sequuntur exponit:
Priscam Ordinis nostri traditiones resumens Congregatio Ottiliensis O.S.B. conversioni infidelium cum in Asiae orientalis turn in Africae meridionalis plagis insudat. Mirum in modum numerus eorum, qui ad hoc opus apostolicum imo divinum navandum aspirant, in annos increvit. Licet omnes tres Abbatiae Germanicae Congregationis nostrae in Bavaria sitae sint, tarnen ex septentrionibus patriae nostrae non pauci cotannis fere domibus nostris excipi cupiunt.
Quapropter iam duos annos abhinc in illis regionibus domum religiosarn fundavimus et spes nostra ex inde plures vocationes accipiendi nos non fefellit. Iam nonnullos pueros adhuc ad humaniora studia incumbentes nos secuti sunt, ex quo aperuimus monasterium in urbe Meschede provinciae Guestphaliae in regione, quam non nisi catholici fere incolunt.
Ut eo felicior progressus fiat, nunc opus est dilatare spatia domus religiosae et quam primun condere Abbatiam; cui patronus erit "Christus Rex" cuiusque nomen erit vulgo "Königsmünster".
27r
Insimul seminarium aedificandum est
alumnorum, quos quin trecentos fere brevi habituri simus minime dubium est. At valde
dolendum est propositum nostrum Deo certe gratissimum non ita progredi uti desideramus ob
pecuniae magnam penuriam.Idcirco audemus omni cum modestia Sanctitati Vestrae supplicare et maximae Sanctitatis Vestrae circa opus missionum curae memores humillime rogamus, velitne Sanctitas Vestra aliquod adminiculum nobis concedere, ut eo celerius in nova Abbatia resonet laus Dei, ut eo celerius eoque plures operarii in vineam Domini egredi valeant.
Sanctitatem Vestram patrem providum Missionum scientes sperare audemus nos non frustra supplicasse.
Testamur nos filios fidelissimos Sanctitatis Vestrae, semper parati ad nutum mandatis Apostolicis obtemperare necnon Regnum Christi indefessi propagare; benedictionem coeli Sanctitati Vestrae addeprecantes ...
+ Norbertus OSB
Archiabbas