DEENPrivacy policyLegal disclaimer
TEI-P5

Document no. 2859
Trasuns, Franz to Pacelli, Eugenio
[Ohne Ort], 14 October 1918

Attachment, letter, typewritten

Nunciature’s protocol no.
Archive reference number S.RR.SS., AA.EE.SS., Russia, 1918-1919, pos. 987, fasc. 349, fol. 34rv.
Eminentissime Domine! Jam anno praeterito 1917 sic dicti socialistae maximalistae (bolschewicci) cum gubernium per tres districtus gubernii Vitebscensis (Dinaburgensem, Rosittensem et Lucinensem), quos lettones catholici incolant (cum populatione circa 650.000 hominum), occuparent, non solum totam regionem per furta, rapinas, latrocinia et homicidia omni jure et pastitia aboleta, devastabant, sed etiam maxima invidia adversus Ecclesiam Catholicam ejusque sacerdotes progressi sunt. Hoc modo sacerdos Martinenas, ecclesiae Rogovscensis parochus, etiamque sacerdos Bikschis, ecclesiae Lanscoronensis parochus, barbaro modo in eorum ecclesiis trucidati sunt aliique 18 sacerdotes simili modo per organa bolschewistica ad mortem proscriptierant. Fideles parochiani catholici, qui suos sacerdotes defendere volebant et conati sunt, nihil adversus arma militesque latorunculantes bolschewicorum peragere valebant. Calamitas instabat maxima – bona ecclesiastica, bona sacerdotum incolarumque diripiebantur multique sacerdotes, cum periculum mortis proximum immineret, suas parochias relinquere coacti erant. Solumodo adveniente exercitu germanico, occupata regione, ejectisque socialisitis maximalistis pax et securitas incolis restituita est, non obstante belli calamitate. Nunc autem cum exercitus germanicus paratus sit de hac occupata regione exire et maximalistae hanc derelictam regionem occupare, jam ingemiscit omnis regio terrefacta de eis calamitatibus, quae proximo tempore ventura sunt; jam omnes, non tantum viri nobiliores, sed etiam meliores rustici pagani omnesque sacerdotes ad mortem proscripti sunt. Cum tale periculum maximaque Ecclesiae Catholicae apud lettones in Lettgallia alias terra Mariana (gubernii Vitebscensis) ruina immineat nobisque aditus am [sic] Suam Sanctitatem regiminaque imperiorum Europaeicorum per bellum impeditus sit votaque Lettonum gubernii Vitebscensis, ut ab imperio et Gubernico Rossico separentur et cum Lettinibus Livonensibus et Curonensibus in unum corpus coalescant, faustum eventum expectant, ad Te, Emintissime Domine, preces nostras diripimus, ut Suam Sanctitatem Papam Nostrum regiminaque imperiorum Europaeicorum etiamque Americae Septentrionales de nostra miserrima conditione certa facias, et haec nostra desideria votaque exprimas: 1. Ut regressus gubernii
34v
bolschewistici Rossici (socialistarum maximalistarum) per arma aut cuiuslibet imperii Europaeici, aut per mixta imperiorum Europaeicorum arma impediatur; 2. Ut tres districtus Lettonici in Lettgallia (Dinaburgensis, Rosittensis et Lucinensis gubernii Vitebscensis) sub tutela et auspiciis guberniorum Europaeicorum constituantur et, si opus esset, adversus bolschewisticum terrorum defendatur.
Sc. F. Trasuns
sc. thlg. mgstr.
Recommended quotation
Trasuns, Franz to Pacelli, Eugenio from 14 October 1918, attachment, in: 'Kritische Online-Edition der Nuntiaturberichte Eugenio Pacellis (1917-1929)', document no. 2859, URL: www.pacelli-edition.de/en/Document/2859. Last access: 03-06-2025.
Online since 17-06-2011.
Attachment(s)
Draft(s)/final version(s)
Directive(s)
Linked document(s)
Linked short biographies
Linked keyword(s)
Linking document(s)