Document no. 622
Pacelli, Eugenio
: [Kein Betreff], before 19 July 1917
Eugenius Pacelli
Dei et Apostolicae Sedis Gratia
Archiepiscopus Sardianus
apud Regiam Bavariae Aulam
Nuntius Apostolicus
In Nomine Domini. Amen.
Per hoc pubblicum Processum seu Inquisitionis Instrumentum cunctis ubique pateat notumque sit omnibus et singulis ad quos spectat seu in futurum spectare potuerit, quod:
Quum SSmus Dominus Noster Benedictus PP XV Revmum Dominum Doctorem Ludovicum Sebastian Canonicum Ecclesiae Metropolitanae Bambergensis a Rege Ludovico III ad vacantem Sedem Episcopalem Spirensem, rite praesentatum, promovere decreverit:
Quumque Idem SSmus Dominus Noster Nobis facultates necessarias et opportunas benigne tribuerit canonicam Inquisitionem, quam Processum appellant, conficiendi super praelaudati Promovendi qualitatibus necnon super statu Ecclesiae Spirensis, iuxta formam s.m. Gragorii [sic] XIV Constitutione a. D. 1627 et s.m. Urbani VIII instructione praescriptam;
Nos hiusmodi [sic] Pontificio mandato, omni qua par est reverentia obsequentes duos testes idoneos nempe Illum ac Revmum Dominum Adamum Senger Episcopum auxiliarem Bambergen. et Revmum Dominum Fridericum Molz Antistitem Urbanum, Canonicum Ecclesiae Cathed. Spirensis, ex officio vocatos et coram Nobis comparentes, omni humano affectu deposito ac
1v
praevio juramento de veritate dicenda, tactis SS. Dei
Evangeliis audivimus, et examinavimus, eorumque dicta ac depositiones per dilectum in Xsto
Dominum Laurentium Schioppa Auditorem Nuntiaturae Apostolicae, et Notarium Apostolicum
recipi et in scriptis redigi iussimus in eum, qui sequitur modum: