Decreta authentica Congregationis Sacrorum Rituum, N. 3873 Sancti Jacobi de Cile vom 6. September 1895
Dubium I. Anne Archiepiscopi uti possint chirothecis quum ad Ecclesiam accedunt vel ab ea recedunt, ante et post Missam pontificalem?
Dubium II. Anne Archiepiscopus Missam celebraturus supra planetam gestare queat Crucem pectoralem?
Dubium III. Anne in aliena Dioecesi Episcopi Suffraganei et Titulares mozzetta uti possint?
Dubium IV. Anne iidem pariter in aliena Dioecesi baculum pastoralem deferre valeant?
Dubium V. Anne adhibere biretum doctorale cum quatuor apicibus, quod sit coloris violacei, cum flosculo et funiculis rubri coloris?
Dubuim VI. An Canonici, etsi dignitate episcopali insigniti sunt, debeant associare Archiepiscopum cappa magna indutum ad Metropolitanam Ecclesiam accedentem, sive ut Missam pontificalem celebret, sive ut Missae ab alio celebrandae assistat?
Et Sacra Rituum Congregatio, referente Secretario exquisitoque volo alterius ex Apostolicarum Caeremoniarum Magistris, omnibus rite perpensis, rescribendum censuit:
Ad. I et II. 'Negative; iuxta Caeremoniale Episcoporum et Decreta'.
Ad III. 'Negative, iuxta Decreta; praesertim in Liburnen. 23 Septembris 1848 ad II'.
Ad IV. 'Affirmative, ex permissione Archiepiscopi vel Episcopi Ordinarii loci; et quando tenuerint Ordinationes, consecrationes aliasque functiones, in quibus iuxta regulas libri pontificalis baculo pastorali uti debent et necesse est, iuxta Caeremoniale Episcoporum (Lib. I, can. 17), et Decretum Bracharen. diei 1 Septembris 1607'.
Ad V. 'Negative, quoad biretum formae doctoralis, iuxta Decretum in Venusina diei 7 Decembris 1844; Affirmative, quoad biretum formae ordinariae ac coloris violacei cum flosculo et funiculis eiusdem coloris, iuxta privilegium a Sanctissimo Domino nostro Leone Papa XIII indistincte omnibus Episcopis concessum'.
Ad VI. 'Affirmative; et servetur Decretum Gnesnen. et Posnanien. diei 20 Martii 1869 ad II'.
Atque ita rescriptsit ac servari mandavit
Die 6 Septembris 1895."
Sources
Decreta authentica Congregationis Sacrorum Rituum ex actis eiusdem collecta eiusque
auctoritate promulgata sub auspiciis ss. domini nostri Leonis Papae XIII, Bd. 3,
Rom 1900, Nr. 3873, S. 293 f., in: daten.digitale-sammlungen.de/ (Last access: 17.09.2015).
Recommended quotation
Decreta authentica Congregationis Sacrorum Rituum, N. 3873 Sancti Jacobi de Cile vom 6. September 1895 , in: 'Kritische Online-Edition der Nuntiaturberichte Eugenio Pacellis (1917-1929)', keyword no. 1244, URL: www.pacelli-edition.de/en/Keyword/1244. Last access: 21-12-2024.