Dokument-Nr. 10256
Skala, Jakob
Sauer, Nikolaus an Benedikt XV.
Bautzen, 17. November 1920
Jacobus Skala, Sanctitatis Tuae Praelatus domesticus et Canonicus capitularis Senior, Nicolaus Sauer, Cantor, Anselmus Rotzinger, SSmae Theologiae Doctor, et Scholasticus totumque Capitulum ad St. Petrum Budissae (Bautzen) in Lusatia Saxoniae
nomine graviter aegroti Illmi ac Rmi Dni Francisci Loebmann, SSmae Theologiae Doctoris, Episcopi tit. Prienensis, Decani ad S: Petrum Budissae necnon Administratoris Dioec. Misnen. in Lusatia et Vicarii Apostolici per terras Saxoniae haereditarias,
ad pedes Sanctiatis Tuae provoluti sequentia humillime exponunt: In Saxonia duae jurisdictiones ecclesiasticae existunt, et quidem Diocesis Misnensis in Lusatia (reliquia antiqui quondam episcopatus per reges Bohemiae olim conservata), quae per Decanos ad S. Petrum Budissae vi mandati Apostolici a. 1570 emanati cum plena jurisdictione episcopali administratur. Illms D. Loebmann est 28. in serie Administratorum. Altera jurisdictio est Vicariatus Apostolici per terras Saxoniae haereditarias a missionariis Soc. Jes. anno 1763 condita in territorio antique Misnensi. Istius Vicariatus territorium characterem missionis jam diu exuit. Cum
25v
Dresdae sustentatio pro Vicario Apostolico nulla habeatur, ab anno 1831 utraque Praelatura alias incompatibilis, in manu Decani ad St. Petrum conjuncta fuit. Haec conjunctio duarum diversa rum jurisdictionum ob diversitatem Administrationis maximas difficultates parat. Budissa a civitate capitali Dresdensi duas per ferroviam horas distat. Separata ibidem jurisdictio Vicarialis inutilis et insufficiens habetur. Eadem est vox Ven. Cleri tum Lusatiae tum Vicariatus. Quapropter enixe rogamus, ut totum territorium Vicariatus cum Administratura Dioecesis Misnen. in Lusatia conjungatur et episcopatus quondam Misnensis cum Sede episcopali et Capitulo Cathedrali ad S. Petrum Budissae redintegretur. Sic animarum saluti melius provideri posset et Capitulum, quod die 24. proximi mensis Junii a. 1921 septimum a sua erectione centenarium celebrabit, nova prerogativa decoraretur. Liceat ergo nobis singula in Rma Nuntiatura apostolica Germaniae fusius exponere, ut probari possit, omnia ad erigendum dioecesim parata esse.
Pro qua gratia ut Deus vitam aeternam retribuat, toto corde adprecantur
Sanctitatis Tuae
devotissimi et obedientissimi filii:
(sig.) Praelatus Jacobus Skala
Canonicus Capituli ad S. Petrum Senior
Nicolaus Sauer
Canonicus Capituli ad S. Petrum Cantor.