Dokument-Nr. 12900
Dittert, Franz
an Pius XI.
Mittelwalde, 17. August 1923
Homo quidam dives, William Mitchner nomine, ex civitate Lewinensi in Comitatu Glacensi, ditionis Borussicae, dioecesis Pragensis oriundus in civitate Allora (Queensland) in Australiae regionibus, anno 1918 defunctus partem aliquam magnam divitiarum suarum patriae Lewinensi testamento suo donavit ad pias causas, et quidem:
| 7.000 £ | ad erigendum Gymnasium ad institutionem puerorum in civitate Lewinensi. |
| 1.450 £ | ad praedium comparandum, |
| 6.850 £ | ad molam aedificandam, |
| 6.250 £ | ad xenodochium (Hotel) exstruendum, quorum reditus partim huic Gymnasio partim aliis piis operibus inserviant. |
| 1.000 £ | ad sustentandam culinam ad cibos pauperibus distribuendos destinatam. |
| 2.500 £ | quarum fructus quotannis a parocho Lewinensi pueris et puellis pauperibus distribuantur. |
| 2.000 £ | quarum fructus quotannis pueris scholam catholicam Lewinensen frequentantibus distribuantur. |
| 300 £ | ecclesiae catholicae Lewinensi, |
| 300 £ | ecclesiae catholicae Reinerzensi, |
| 300 £ | ecclesiae catholicae Dresdensi. |
Omnia haec dona a supremo iudicio status Queensland (Australiae) legibus non repugnantia iudicata sunt. Gubernium vero civile prohibet, ne tanta pecunia civibus Germaniae qua hostibus tradatur.
14v
Gubernium civile Angliae saepe permisit, ut
talia dona civibus etiam prius hostibus traderentur, si ad pias causas destinata erant.
Magistratus Lewinensis sperat Gubernium etiam Australicum permissurum esse, ut haec legata
tradantur, si Sancta Sedes apud hoc Gubernium Australicum intercedere dignaretur.Omnia haec dona ecclesiae catholicae multa commoda afferent, cum fere omnes cives districtus Lewinensis et civitatis ipsius catholici sint. Gymnasium erigendum multum valeret ad fidem catholicam confirmandam, quia facilius pueri huius districtus studiis humanioribus incumbere possent, atque ita facilius ad sacrum presbyteratum pervenirent, praesertim cum magistratui Lewinensi in animo sit, gymnasium hoc ordini alicui religioso tradere.
Quapropter enixe pro, ut Sancta Sedes Apostolica apud Gubernium civile intercedere dignetur, ut hoc testamentum executioni mandetur.
Dittert.